રુપાલી અનુપમાના સેટ ઉપર શૂટિંગ દરમિયાન બેભાન થઈ?
મુંબઈ: એક્ટ્રેસ રુપાલી ગાંગુલી પોપ્યુલર ટીવી સીરિયલ અનુપમામાં લીડ રોલ પ્લે કરી રહી છે. બે અઠવાડિયા પહેલા એક્ટ્રેસનો કોવિડ-૧૯ રિપોર્ટ પોઝિટિવ આવ્યો હતો, જેના કારણે કે હોમ ક્વોરન્ટિન થઈ હતી. તે જ્યારે આઈસોલેશનમાં હતી ત્યારે સતત પોતાના વિશેની અપડેટ ઈન્સ્ટાગ્રામ ફેમિલી સાથે શેર કરતી રહેતી હતી. કોરોનાથી રિકવર થયા બાદ રુપાલી હાલમાં જ સીરિયલના સેટ પર પાછી ફરી છે. હાલમાં જ સેટ પર એક સીનના શૂટિંગ દરમિયાન તે બેભાન થઈને પડી ગઈ હોય તેવો વીડિયો સોશિયલ મીડિયા પર વાયરલ થઈ રહ્યો છે. આ વીડિયો જાેઈને ફેન્સ ચિંતામાં આવી ગયા હતા.
પરંતુ રુપાલી ગાંગુલી સેટ પર બેભાન થઈને ઢળી પડી તે પાછળની હકીકત કઈક અલગ છે. વાત એમ છે કે, તે એક સીનનું શૂટિંગ કરી રહી હતી. સીન દરમિયાન રુપાલી ગાંગુલી એક ગાર્ડનમાં છે અને અચાનક તેને માથામાં દુખાવો થતાં બેભાન થઈને પડી જાય છે. રુપાલી ગાંગુલીના આ સીનને કેમેરામાં કેદ કરવામાં આવ્યો હતો અને તે જ વીડિયો સીરિયલના ડિરેક્ટર રોમેશ કાલરાએ શેર કર્યો છે. ઉલ્લેખનીય છે કે, ‘અનુપમા’નું શૂટિંગ સિલવાસામાં થઈ રહ્યું છે. મહારાષ્ટ્રમાં કોરોનાના કેસ વધવાના કારણે શૂટિંગ બંધ છે,
જેના કારણે અલગ-અલગ શોના મેકર્સે શૂટિંગ માટે અલગ-અલગ જગ્યા પસંદ કરી છે. રુપાલી ગાંગુલી સિવાય સુધાંશુ પાંડે, અલ્પના બુચ, આશિષ મેહરોત્રા તેમજ નિધિ શાહને પણ કોરોના થયો હતો. જાે કે, નિધિ શાહ સિવાયના તમામ એક્ટર્સ રિકવર થઈ ગયા છે અને શૂટિંગ શરુ કરી દીધી છે. નિધિ શાહ ઘરેથી મોબાઈલ દ્વારા શૂટિંગ કરી રહી છે. અનુપમા’ના લેટેસ્ટ ટ્રેકની વાત કરીએ તો, વનરાજ ઘર છોડીને ચાલ્યો ગયો છે
અનુપમા તેને શોધવા નીકળે છે. તેને જાણ થાય છે કે, વનરાજ એક વેલનેસ સેન્ટરમાં છે. જ્યાં અનુપમાની મુલાકાત ડોક્ટર અદ્વેત ખન્ના સાથે થાય છે. વેલનેસ સેન્ટરમાં અનુપમાને વનરાજ મળી જાય છે. જ્યાં બંનેની લડાઈ થાય છે અને વનરાજ ઘરે પરત જવાનો ઈનકાર કરી દે છે. અનુપમાને ગુસ્સો આવે છે અને ત્યારે અચાનક તે બેભાન થઈ જાય છે. વનરાજ ગભરાઈ જાય છે અને ડોક્ટર અદ્વેત, અનુપમાનું ચેકઅપ કરે છે. અનુપમાને આખરે શું થયું? કેમ તે બેભાન થઈ ગઈ? વનરાજ ક્યારે ઘરે પરત ફરશે? આ બધા સવાલના જવાબ આગામી એપિસોડમાં જાેવા મળશે.
