રાકેશ બાપટે ઉંચકી લેતા શમિતા શેટ્ટી શરમાઈ ગઈ
મુંબઈ, શમિતા શેટ્ટી ભલે બિગ બોસ ૧૫ની ટ્રોફી ન જીતી શકી હોય પરંતુ ફેન્સના દિલ જરૂરથી જીતી લીધા છે. શમિતા શેટ્ટી ૪૩ વર્ષની થઈ ગઈ છે, તેવામાં બહેન શિલ્પા શેટ્ટીના ઘરે અડધી રાતે તેનું સેલિબ્રેશન કરવામાં આવ્યું હતું. જેમાં શમિતા શેટ્ટીનો બોયફ્રેન્ડ રાકેશ બાપટ પણ હાજર રહ્યો હતો.
સૌથી મજેદાર વાત એ છે કે, રાતે ૧૨ વાગ્યે રાકેશ બાપટે શમિતા શેટ્ટીને ન માત્ર પ્રેમથી વિશ કર્યું, પરંતુ એવી સરપ્રાઈઝ આપી કે તે પણ ચોંકી ગઈ. આટલું જ નહીં, શમિતાએ પણ રાકેશ પર પ્રેમનો વરસાદ કર્યો અને એકબીજાને કિસ કરી. રાકેશ બાપટ આમ તો શાંત સ્વભાવનો છે.
જેનો આ અંદાજ બિગ બોસ ઓટીટીમાં પણ જાેવા મળી ચૂક્યો છે. પરંતુ લેડી લવ શમિતા શેટ્ટીના બર્થ ડે પર તે વધારે જ ઉત્સાહિત જાેવા મળ્યો. રાકેશે શમિતાને સરપ્રાઈઝ આપતા ખોળામાં ઉંચકી લીધી હતી તો તે પણ શરમાઈ ગઈ હતી. રાકેશ બાપટે પોતે આ તસવીરો તેના ઈન્સ્ટાગ્રામ હેન્ડલ પર શેર કરી છે. આ સાથે તેણે લખ્યું છે હેપ્પી બર્થ ડે લવ. આ સાથે તેણે રેડ હાર્ટ ઈમોજી પણ મૂક્યું છે.
શિલ્પા શેટ્ટીના ઘરે પાર્ટી કર્યા બાદ શમિતા શેટ્ટીએ બહાર આવીને રાકેશ બાપટ સાથે પોઝ પણ આપ્યા હતા. આ દરમિયાન રાકેશ બાપટે શમિતા શેટ્ટીને સૌથી પહેલા કિસ કરી હતી. જે બાદ શમિતાએ પણ રિટર્ન ગિફ્ટ તરીકે તેને કિસ કરી હતી. શમિતાની લિપસ્ટિકના ડાઘ રાકેશના ગાલ પર પડી જતાં તેણે પ્રેમથી લૂછ્યા પણ હતા.
આ દરમિયાન શમિતાએ સિલ્વર કલરનું ઓફ-શોલ્ડર ગાઉન પહેર્યું હતું અને વાળને ખુલ્લા રાખ્યા હતા. જેમાં તે ખૂબ સુંદર લાગતી હતી. તો રાકેશ બ્લેક શર્ટ અને બેઝ કલરના પેન્ટમાં જામી રહ્યો હતો. શમિતા શેટ્ટી અને રાકેશ બાપટની મુલાકાત બિગ બોસ ઓટીટી દરમિયાન થઈ હતી. ઘરમાં બંને એકબીજાના કનેક્શન હતા. બાદમાં બંને વચ્ચે પ્રેમ પાંગર્યો હતો. બંને તેમના સંબંધોને લઈને ગંભીર છે.SSS
