બ્રિટનની જેલમાં કેદીઓને ઠપકો આપવા પર પ્રતિબંધ
નવી દિલ્હી, જેલ એક એવી જગ્યા છે જ્યાં કોઈ જવા નથી માંગતું, પરંતુ જ્યારે કોઇ વ્યક્તિના કાર્યો સમાજ માટે ખલેલ પહોંચાડનારા હોય, ત્યારે તેમને જેલમાં મોકલવા સિવાય બીજાે કોઈ વિકલ્પ નથી હોતો. જાે કે, જેલને કેદીઓ માટે પણ યોગ્ય બનાવવામાં આવે છે જેથી તેઓ તેમની સજા પૂરી કરી શકે અને એવા વાતાવરણમાં જીવી શકે જ્યાં તેઓ પોતાનો વિકાસ કરી શકે અને તેઓ સારા વ્યક્તિ બની શકે.
આ માટે બ્રિટનમાં ઘણું ધ્યાન આપવામાં આવે છે. હાલમાં જ બ્રિટનની જેલ સંબંધિત એક રિપોર્ટ સામે આવ્યો છે જેમાં આશ્ચર્યજનક સૂચનો આપવામાં આવ્યા છે. ડેઈલી સ્ટારના અહેવાલ અનુસાર, એચએમ ઈન્સ્પેક્ટર ઓફ જેલના તાજેતરના અહેવાલમાં, પોલીસકર્મીઓને સલાહ આપવામાં આવી છે કે તેઓ કેદીઓ પર બૂમો ન પાડે અને ન તો તેમને ઠપકો આપે કારણ કે આવું કરવાથી તેઓ દુઃખી અને ગુસ્સે થઈ જાય છે.
તમને જણાવી દઈએ કે એચએમ ઈન્સ્પેક્ટર ઑફ પ્રિઝન ઈંગ્લેન્ડ અને વેલ્સની સ્વતંત્ર તપાસ એજન્સી છે જે સુનિશ્ચિત કરે છે કે કેદીઓ માટે જેલમાં યોગ્ય વાતાવરણ પૂરું પાડવામાં આવે. રિપોર્ટમાં કેદીઓને રહેવા માટે સકારાત્મક વાતાવરણ બનાવવા પર ભાર મૂકવામાં આવ્યો છે. રિપોર્ટમાં એવું પણ કહેવામાં આવ્યું હતું કે જેલોમાં એવી જગ્યાઓ પણ બનાવવી જાેઈએ જ્યાં સુંદર મેદાનો બનાવ્યા હોય.
કેદીઓમાં સકારાત્મકતાનો વિકાસ થાય તે માટે ફૂલો, તળાવ અને વૃક્ષો હોવા જાેઈએ અને છોડ પણ વાવવા જાેઈએ. રિપોર્ટમાં કહેવામાં આવ્યું છે કે મહિલાઓની જેલમાં વધુ ધ્યાન આપવાની જરૂર છે.
એવું સૂચન કરવામાં આવ્યું છે કે જેલમાં વધુ સકારાત્મક વાતાવરણ બનાવવા માટે વધુ ખુલ્લા વિસ્તારોની જરૂર છે. લાઉડસ્પીકરનો ઉપયોગ ન્યૂનતમ રાખવો જાેઈએ અને કેદીઓ પર બૂમો નહીં પાડવી જાેઈએ. ડેઈલી સ્ટારના અહેવાલ મુજબ ઈંગ્લેન્ડની ઘણી જેલોમાં સેલને બદલે રૂમ કહેવામાં આવે છે અને કેદીઓને કેદીઓને બદલે નિવાસી કહેવામાં આવે છે. એટલું જ નહીં, કેદીઓને સકારાત્મક ઉર્જા મળે તે માટે તેમના પહેલા નામથી પણ બોલાવવામાં આવે છે.SSS
