શાહરુખ-સલમાન-ઐશ્વર્યા અંબાણીની પાર્ટીમાં સાથે દેખાયા
મુંબઈ, નીતા મુકેશ અંબાણી કલ્ચરલ સેન્ટરના ધ લોન્ચ ઓફ ઈન્ડિયા ઈન ફેશન એક્ઝિબિશનમાં ઘણાં બોલિવુડ અને હોલિવુડ સેલિબ્રિટીઝ સામેલ થયા હતા. રેખા, શાહરૂખ ખાન, પ્રિયંકા ચોપરા, ઐશ્વર્યા રાય, કરીના કપૂર, આલિયા ભટ્ટ, મહિપ કપૂર, રણવીર સિંહ, ઝેન્ડ્યા, ટોમ હોલેન્ડ, પેનેલોપ ક્રૂઝ વગેરે સેલેબ્સ બંને દિવસના કાર્યક્રમમાં હાજર રહ્યા હતા.
આ દરમિયાન સોશિયલ મીડિયા પર એક તસવીર વાયરલ થઈ રહી છે, જેમાં ઐશ્વર્યા રાય પણ સલમાન અને શાહરૂખ સાથે એક જ ફ્રેમમાં જાેવા મળી રહી છે. આ તસવીર જાેઈને ફેન્સ કોમેન્ટ્સ કરી રહ્યા છે. એકસમયે સલમાન ખાન અને ઐશ્વર્યા રાય બચ્ચન એકબીજાને ડેટ કરતા હતા.
પરંતુ, બ્રેકઅપ બાદ બંને એકબીજાની સામે આવવાનું ટાળી રહ્યાં છે. જાે ઐશ્વર્યા અને સલમાન કોઈ ઈવેન્ટમાં હાજર હોય તો તેઓ એકબીજાની સામે ન આવે તેનું સંપૂર્ણ ધ્યાન રાખવામાં આવે છે. અંબાણી પરિવારે પણ આ ઈવેન્ટનું આયોજન કર્યું હતું, જેમાં ઐશ્વર્યા રાય દીકરી આરાધ્યા સાથે પહોંચી હતી. સલમાન ખાન પણ ત્યાં પહોંચ્યો હતો.
સલમાન અને ઐશ્વર્યાએ આખા કાર્યક્રમ દરમિયાન એકબીજા સાથે ટક્કર કરવાનું ટાળ્યું હોવા છતાં અંતે તેઓ એકસાથે એક તસવીરમાં કેદ થયા હતા.
આ વાયરલ તસવીર ઈન્સ્ટાગ્રામ એકાઉન્ટ પર શેર કરવામાં આવી છે. તસવીરમાં સલમાન ખાન અને શાહરૂખ હોલીવુડ કપલ ટોમ હોલેન્ડ અને ઝેન્ડાયા સાથે પોઝ આપતા જાેવા મળે છે. નીતા અંબાણી પણ ત્યાં છે. આ તસવીરમાં ઐશ્વર્યા અને તેની પુત્રી આરાધ્યા પણ જાેવા મળી રહી છે. જાેકે તે થોડી પાછળ ઊભી છે અને તેનો ચહેરો કેમેરા તરફ નથી.
NMACCમાં મહેમાનોને ચાંદીની થાળીમાં પીરસવામાં આવ્યું હતું. તસવીરમાં જાેઈ શકો છો કે, ભારતીય પકવાનોથી પીરસાયેલી થાળીમાં કેટલીક ગુજરાતી વાનગીઓ પણ છે. ભાખરી, પાલક પનીર, દાળ, પાપડ, કચોરી, લાડુ, કેરીનો રસ, રોટલી વગેરે જેવી વસ્તુઓ જાેઈ શકાય છે. ઉલ્લેખનીય છે કે, NMACC જિયો વર્લ્ડ સેન્ટરમાં આવેલું છે. શુક્રવારે તેનું ભવ્ય ઉદ્ઘાટન થયું હતું. ગ્રાન્ડ ઓપનિંગના બીજા દિવસે ફેશન ઈવેન્ટનું આયોજન થયું હતું.SS1MS
