શાહિદ કપૂર ઘણીવાર મમ્મી જોડે વાત કરવાનું બંધ કરી દે છે
મુંબઈ, એક્ટર શાહિદ કપૂર પોતાની આગામી ફિલ્મ ‘બ્લડી ડેડી’ના પ્રમોશનમાં વ્યસ્ત છે. એક ઈન્ટરવ્યૂમાં શાહિદ કપૂરે પોતાની મમ્મી નીલિમા અને ભાઈ ઈશાન ખટ્ટર સાથેના પોતાના સંબંધ અંગે વાત કરી છે.
તેણે જણાવ્યું કે, જ્યારે તેની મમ્મી તેના વિશે કંઈક સારું બોલે છે ત્યારે તે તેની સાથે વાત કરવાનું બંધ કરી દે છે. Shahid Kapoor often stops talking to his mother
શાહિદ કપૂર ત્રણ વર્ષનો હતો ત્યારે તેના પિતા પંકજ કપૂર અને માતા નીલિમા અલગ થઈ ગયા હતા. જે બાદ શાહિદ તેની મમ્મી સાથે રહેતો હતો. બાદમાં નીલિમાએ રાજેશ ખટ્ટર સાથે લગ્ન કર્યા હતા. તેમના દીકરાનું નામ ઈશાન ખટ્ટર છે.
શાહિદ કપૂર અને ઈશાન ખટ્ટરનું બોન્ડ આમ તો જગજાહેર છે કારણકે સોશિયલ મીડિયા પર તેઓ એકબીજા સાથેની કેટલીય તસવીરો અને વિડીયો શેર કરતાં રહે છે.
બોલિવુડ બબલને આપેલા ઈન્ટરવ્યૂમાં શાહિદ કપૂરે પોતાની મમ્મીને એ આદત જણાવી જેના લીધે તે તેમની સાથે વાત કરવાનું બંધ કરી દે છે. “મારી મમ્મી સિંગલ પેરેન્ટ છે. મને અને ઈશાન બંનેને તેમણે એકલા હાથે ઉછેર્યા છે.
માતાપિતા આપણા માટે જે કંઈપણ કરે છે તેનું ઋણ આપણે ચૂકવી શકીએ તેમ નથી. કેઓ હંમેશા પોઝિટિવ અને પ્રેમાળ રહ્યા છે. મારા અને ઈશાનના માર્ગદર્શક રહ્યા છે.જાેકે, ઘણીવાર મારે તેમને કહેવું પડે છે કે, મમ્મી હું તમારી સાથે થોડા દિવસ વાત નહીં કરું કારણકે તમે મારા વિશે બહુ સારું બોલો છે. જેથી મને લાગવા માંડે છે કે હું ખૂબ સારો છું.
મારે થોડી આલોચનાની પણ જરૂર છે. મને ગર્વ અપાવે તેવી બાબતો અંગે હું ખાસ વાત કરવાનું પસંદ નથી કરતો કારણકે તે પર્સનલ છે. મમ્મી મારી પડખે કાયમ રહી છે અને મારે આનો ઢંઢરો પીટવાની જરૂર નથી કારણકે પરિવારમાં બધા જ એકબીજા માટે તૈયાર રહે છે.
આ જ પરિવારની વ્યાખ્યા છે, તેમ એક્ટરે કહ્યું હતું. શાહિદ કપૂર છેલ્લે રાજ અને ડીકેની વેબ સીરીઝ ‘ફર્ઝી’માં જાેવા મળ્યો હતો. જેના ખૂબ વખાણ થયા છે. હવે તે અલી અબ્બાસ ઝફરની ‘બ્લડી ડેડી’માં જાેવા મળશે. આ ફિલ્મ ૮ જૂને ઓટીટી પ્લેટફોર્મ પર રિલીઝ થવાની છે. આ ફિલ્મમાં રોનિત રોય, સંજય કપૂર અને ડાયના પેન્ટી પણ છે.SS1MS
