ગામડા અને નાના શહેરોમાં UPI પેમેંટમાં ૧૧૮ ટકા વધારો
નવી દિલ્હી, ગ્રામીણ અને નાના શહેરોમાં યુપીઆઈ ચુકવણીમાં ૧૧૮%નો વધારો થયો છે. જ્યારે યુટિલિટી ચુકવણી, રોકડ સંગ્રહ, ક્રેડિટ અને વીમા જેવી ચૂકવણીઓ ઝડપથી વધારો થયો છે. એક વર્ષમાં ગ્રામીણ અને અર્ધ-શહેરી વિસ્તારોમાં રિટેલ સ્ટોર્સ પર યુનિફાઇડ પેમેન્ટ્સ ઇન્ટરફેસ (યુપીઆઈ) દ્વારા થતા વ્યવહારોમાં ૧૧૮%નો વધારો થયો છે.
જાે આપણે તેની કિંમત એટલે કે ટ્રાન્ઝેક્શન કરેલી રકમની વાત કરીએ તો તેમાં પણ ૧૦૬%નો વધારો જાેવા મળ્યો છે. મોબાઈલ પોઈન્ટ ઓફ સેલ પરના વ્યવહારો પણ ૫% વધ્યા છે. ફિનટેક ફર્મ પેનિયરબી દ્વારા ‘રિટેલ-ઓ-નોમિક્સ’ નામના અભ્યાસમાં આ આંકડા આપવામાં આવ્યા છે.
પેનિયરબી એ આ વર્ષે જાન્યુઆરીથી નવેમ્બર વચ્ચે લગભગ ૧૦ લાખ દુકાનો પર ટ્રાન્ઝેક્શન રેકોર્ડના આધારે સર્વે આધારિત સંશોધન કર્યું છે. રિપોર્ટ અનુસાર, આ ટ્રાન્ઝેક્શન ડેટા માત્ર બેંકિંગ અને નાણાકીય વ્યવહારો પૂરતો મર્યાદિત નથી.
આમાં અન્ય ડિજિટલ સેવાઓ જેવી કે યુટિલિટી પેમેન્ટ્સ, રોકડ સંગ્રહ, ક્રેડિટ, વીમો, આસિસ્ટેડ કોમર્સ અને અન્ય તમામ પ્રકારના વ્યવહારોનો સમાવેશ થાય છે. રિપોર્ટમાં કહેવામાં આવ્યું છે કે ડિજિટલ પેમેન્ટને લઈને લોકોમાં જાગૃતિ વધી છે.
આ રિપોર્ટ અનુસાર, યુપીઆઈ પ્લેટફોર્મ સ્વિફ્ટ મનીના સ્થાપક સક્ષમ ભગતે ઈન્ટરનેટ કોમર્સ સમિટમાં જણાવ્યું કે યુપીઆઈ આજના ડિજિટલ ઈન્ડિયા અને રિટેલ સેક્ટરમાં મહત્વપૂર્ણ ભૂમિકા ભજવી રહ્યું છે.
તે માત્ર ગ્રાહકો માટે જ નહીં પરંતુ નાના અને મોટા વેપારીઓ માટે પણ તેમના વ્યવસાયને પ્રોત્સાહન આપવા માટે છે, પછી તે ગ્રામીણ વિસ્તારો હોય કે મોટા શહેરો. આ શક્ય છે કારણ કે તે માત્ર વેપારી અને ગ્રાહકોને સગવડ પૂરી પાડે છે પરંતુ ગ્રાહકની જીવનશૈલીને સુધારવામાં પણ મદદ કરે છે.
તેથી, લોકો યુપીઆઈ પેમેન્ટનો ઉપયોગ માત્ર એમેઝોન અને ફ્લિપકાર્ટ જેવા ઓનલાઈન પ્લેટફોર્મ પર જ નહીં, પરંતુ તેમની દિનચર્યામાં પણ કરી રહ્યા છે. નેશનલ પેમેન્ટ કોર્પોરેશન ઓફ ઈન્ડિયાના ડેટા અનુસાર, આ વર્ષે ૧ થી ૧૮ ડિસેમ્બર સુધીમાં કુલ ૭૦૩૦.૫૧ મિલિયન (લગભગ ૭૦૩ કરોડ રૂપિયા)ના વ્યવહારો થયા છે. આ વ્યવહારો દ્વારા ટ્રાન્ઝેક્શન થયેલી રકમ લગભગ ૧૧ લાખ કરોડની છે. SS1SS
