અમેરિકી રાજદૂતની જવાહરલાલ નેહરુ યુનિવર્સિટી મુલાકાત મોકૂફ
નવી દિલ્હી, જવાહરલાલ નેહરુ યુનિવર્સિટી માં યુએસ એમ્બેસેડર એરિક ગારસેટીની સુનિશ્ચિત મુલાકાત સોમવારે વિદ્યાર્થી સંઘના વિરોધને પગલે મોકૂફ રાખવામાં આવી હતી. વિરોધીઓએ ‘ળી પેલેસ્ટાઈન’, ‘નેતન્યાહુ માટે વધુ પૈસા નહીં’ અને ‘હવે નરસંહાર બંધ કરો’ જેવા સંદેશાઓ સાથેના બેનરો પ્રદર્શિત કર્યા હતા, જે મધ્ય પૂર્વમાં યુએસની નીતિઓનો સખત વિરોધ દર્શાવે છે.
હકીકતમાં, સ્કૂલ ઓફ ઇન્ટરનેશનલ સ્ટડીઝે સદીના સૌથી મહત્વપૂર્ણ સંબંધોઃ યુએસ-ભારત સંબંધો પર સાંજે ૪ વાગ્યે યુએસ એમ્બેસેડર ગારસેટ્ટીને વાતચીત માટે આમંત્રણ આપ્યું હતું.
જવાહરલાલ નેહરુ યુનિવર્સિટી સ્ટુડન્ટ્સ યુનિયનના સભ્યોએ એમ્બેસેડર ગારસેટ્ટીને આમંત્રણ આપવાના જવાહરલાલ નેહરુ યુનિવર્સિટી વહીવટીતંત્રના નિર્ણય પર અસંતોષ વ્યક્ત કર્યો છે. વિદ્યાર્થી સંગઠને યુએસ રાજદૂતની હાજરીને યુનિવર્સિટીના ન્યાય, માનવાધિકાર અને એકતાના મૂલ્યોની વિરુદ્ધ ગણાવી હતી.
”ઈઝરાયેલ-પેલેસ્ટાઈન યુદ્ધમાં ઈઝરાયેલને અમેરિકાનું સમર્થન એ જેએનયુમાં અમે જે મૂલ્યો ધરાવીએ છીએ તેની વિરુદ્ધ છે,” જેએનયુએસયુએ એક નિવેદનમાં જણાવ્યું હતું.જેએનયુએસયુ પેલેસ્ટાઈનના સમર્થનમાં અવાજ ઉઠાવી રહી છે અને તેણે આતંકવાદ અને નરસંહારમાં સંકળાયેલા દેશોની ક્રિયાઓની નિંદા કરી છે, ખાસ કરીને ઈઝરાયેલની પેલેસ્ટાઈન પ્રત્યેની નીતિઓની.
વિદ્યાર્થી સંગઠને કહ્યું, “પેલેસ્ટાઈન સાથેની અમારી એકતા અતૂટ છે અને અમે જુલમ અને અન્યાયથી મુક્ત વિશ્વ માટે હાકલ કરીએ છીએ.”જો કે, જેએનયુ પ્રશાસને કહ્યું કે કાર્યક્રમ રદ કરવાને બદલે ફરીથી શેડ્યૂલ કરવામાં આવ્યો છે.SS1MS
