મજૂરી અને ગરીબી વચ્ચે વીત્યા દિવસો; જાણો ‘ધૂરંધર’ ગર્લ જેસ્મિનની સંઘર્ષગાથા
2014 માં હની સિંહે તેને બોલિવૂડ ફિલ્મ ‘કિક’ ના ગીત ‘યાર ના મિલે’ માટે બ્રેક આપ્યો, ત્યારે તે રાતોરાત સ્ટાર બની ગઈ.
“એક સમય એવો હતો જ્યારે હું દારૂ વગર રહી શકતી નહોતી, મેં મારું સ્વાસ્થ્ય અને માનસિક શાંતિ બધું જ ગુમાવી દીધું હતું.”: જેસ્મિન સેન્ડલાસ
મુંબઈ: પંજાબી મ્યુઝિક ઈન્ડસ્ટ્રીમાં પોતાની બોલ્ડ સ્ટાઈલ અને યુનિક અવાજ માટે જાણીતી સિંગર જેસ્મિન સેંડલસ આજે કોઈ ઓળખની મોહતાજ નથી. હાલમાં જ ગુજરાતી ફિલ્મ ‘ધૂરંધર’ ના ટાઈટલ ટ્રેક દ્વારા ગુજરાતના ઘરે-ઘરે જાણીતી બનેલી જેસ્મિનની આ સફળતા પાછળ લોહી-પરસેવાની મહેનત અને હૃદય ચીરી નાખે તેવો સંઘર્ષ છુપાયેલો છે.
જન્મ અને બાળપણ: મજૂરી અને ગરીબી વચ્ચે વીત્યા દિવસો
જેસ્મિનનો જન્મ પંજાબના જાલંધરમાં એક મધ્યમવર્ગીય પરિવારમાં થયો હતો. જ્યારે તે માત્ર 13 વર્ષની હતી, ત્યારે તેનો પરિવાર કેલિફોર્નિયા (અમેરિકા) શિફ્ટ થઈ ગયો હતો. વિદેશની ધરતી પર જેસ્મિને તેના માતા-પિતાને દિવસ-રાત મજૂરી કરતા જોયા છે. ઘરની આર્થિક સ્થિતિ સુધારવા માટે જેસ્મિને પણ નાની ઉંમરે કામ કરવાનું શરૂ કર્યું હતું. એક સમય એવો હતો જ્યારે તે ગલીઓમાં પોતાની સીડી (CD) વેચવા જતી હતી. માત્ર 20 રૂપિયા માટે તે કલાકો સુધી મહેનત કરતી હતી.
View this post on Instagram
સંગીતની શરૂઆત અને ‘યાર ના મિલે’ થી મળેલી સફળતા
જેસ્મિનને બાળપણથી જ ગીતો લખવાનો શોખ હતો. તેણે 16 વર્ષની ઉંમરે પોતાનું પહેલું ગીત ‘મુસ્કાન’ લખ્યું હતું. 2014 માં જ્યારે હની સિંહે તેને બોલિવૂડ ફિલ્મ ‘કિક’ ના ગીત ‘યાર ના મિલે’ માટે બ્રેક આપ્યો, ત્યારે તે રાતોરાત સ્ટાર બની ગઈ. આ ગીતે તેને આંતરરાષ્ટ્રીય સ્તરે ઓળખ અપાવી. ત્યારબાદ ‘ગલી ગલી’, ‘પટૌલા’ અને ‘ઈલીગલ વેપન’ જેવા સુપરહિટ ગીતોએ તેને પંજાબી મ્યુઝિકની ક્વીન બનાવી દીધી.
View this post on Instagram
દારૂની લત અને જિંદગીનો સૌથી અંધકારભર્યો સમય
સફળતાની ટોચ પર પહોંચ્યા પછી જેસ્મિનની પર્સનલ લાઈફમાં મોટું તોફાન આવ્યું. બ્રેકઅપ અને અંગત તણાવને કારણે જેસ્મિન અંદરથી તૂટી ગઈ હતી. તેણે તાજેતરમાં જ એક ઈન્ટરવ્યુમાં ખુલાસો કર્યો હતો કે તે સમયે તે ગંભીર ડિપ્રેશનમાં સરી પડી હતી અને તેને દારૂની એવી લત લાગી હતી કે તે મોતની નજીક પહોંચી ગઈ હતી. જેસ્મિને સ્વીકાર્યું હતું કે, “એક સમય એવો હતો જ્યારે હું દારૂ વગર રહી શકતી નહોતી, મેં મારું સ્વાસ્થ્ય અને માનસિક શાંતિ બધું જ ગુમાવી દીધું હતું.”
‘ધૂરંધર’ ગર્લ તરીકેની નવી ઓળખ
ખરાબ સમયમાંથી બહાર આવ્યા બાદ જેસ્મિને જબરદસ્ત કમબેક કર્યું છે. તાજેતરમાં રિલીઝ થયેલી ગુજરાતી ફિલ્મ ‘ધૂરંધર’ ના ટાઈટલ સોંગમાં જેસ્મિનના અવાજે ધૂમ મચાવી છે. ગુજરાતી ફિલ્મમાં પંજાબી તડકો લગાવીને તેણે સાબિત કરી દીધું કે સંગીતને કોઈ ભાષાની સીમા હોતી નથી. આ ગીત સોશિયલ મીડિયા પર વાયરલ થયું છે અને ગુજરાતી યુવાનોમાં તે ‘ધૂરંધર ગર્લ’ તરીકે લોકપ્રિય થઈ છે.
આજે છે કરોડોની માલકણ
જે છોકરી ક્યારેક રસ્તા પર ફરીને ₹20 માં સીડી વેચતી હતી, આજે તે લક્ઝરી લાઈફ જીવે છે. તેની પાસે આલીશાન ગાડીઓ અને મોંઘા બંગલા છે. જેસ્મિનની આ ગાથા શીખવે છે કે જો તમારી પાસે હિંમત હોય તો તમે અંધકારમાંથી બહાર આવીને આખી દુનિયા જીતી શકો છો.
આજે જેસ્મિન તે અંધકારભર્યા ભૂતકાળ પર પસ્તાવો કરે છે અને યુવાનોને નશાથી દૂર રહેવાની સલાહ આપે છે. ‘ધૂરંધર’ ની સફળતાએ તેને ફરી એકવાર સાબિત કરી આપી છે કે તે ઇન્ડસ્ટ્રીની અસલી ‘લાયનેસ’ (સિંહણ) છે.
