યુધ્ધની અસર: એપ્રિલમાં જથ્થાબંધ ફુગાવો ૮.૩૦% પર પહોંચ્યો-૪૨ મહિનાનો રેકોર્ડ તોડ્યો

નવી દિલ્હી, દેશમાં મોંઘવારીનું દબાણ હવે ઝડપથી વધતું દેખાઈ રહ્યું છે. એપ્રિલ ૨૦૨૬માં દેશનો જથ્થાબંધ મોંઘવારી દર એટલે કે ઉૈઁં વધીને ૮.૩૦ ટકા પર પહોંચી ગયો છે. જ્યારે માર્ચમાં આ આંકડો ૩.૮૮ ટકા હતો. આ છેલ્લા ૪૨ મહિના એટલે કે અંદાજે સાડા ત્રણ વર્ષનું સૌથી ઊંચું સ્તર માનવામાં આવી રહ્યું છે, જેનાથી આગામી સમયમાં રોજબરોજની ચીજવસ્તુઓની કિંમતો પર વધુ અસર પડી શકે છે.

આ વધારામાં સૌથી મોટું યોગદાન ઇંધણ સેક્ટરનું રહ્યું છે. મોંઘવારી માર્ચના ૧.૦૫ ટકાથી ઉછળીને એપ્રિલમાં ૨૪.૭૧ ટકા સુધી પહોંચી ગઈ છે. તે જ સમયે, કાચા તેલની જથ્થાબંધ મોંઘવારી ૮૮ ટકાથી ઉપર નોંધાઈ છે. પેટ્રોલની કિંમતોમાં ૩૨.૪૦ ટકા અને ડીઝલમાં ૨૫.૧૯ ટકાના વધારાએ પણ મોંઘવારીના દબાણને વધુ વધારી દીધું છે. ન્ઁય્ની કિંમતોમાં પણ ૧૦.૯૨ ટકાનો વધારો નોંધાયો છે. આ આંકડાઓથી સ્પષ્ટ જણાય છે કે, સામાન્ય લોકો પર મોંઘવારીનું દબાણ સતત વધી રહ્યું છે.

પ્રાઈમરી આર્ટિકલ્સની મોંઘવારી માર્ચના ૬.૩૬ ટકાથી વધીને એપ્રિલમાં ૯.૧૭ ટકા થઈ ગઈ. મેન્યુફેક્ચર્ડ પ્રોડક્ટ્‌સમાં મોંઘવારી ૩.૩૯ ટકાથી વધીને ૪.૬૨ ટકા રહી.
સરકારે અત્યાર સુધી પેટ્રોલ, ડીઝલ અને ઘરેલુ ન્ઁય્ની કિંમતોને સ્થિર રાખી છે જેથી સામાન્ય લોકોને રાહત મળી શકે. જોકે, કોમર્શિયલ ન્ઁય્ સિલિન્ડરની કિંમતોમાં વધારો કરવામાં આવ્યો છે. અર્થશાસ્ત્રીઓનું માનવું છે કે જો વૈશ્વિક સ્તરે તેલની કિંમતો સ્થિર નહીં થાય, તો આગામી મહિનાઓમાં જથ્થાબંધ અને છૂટક મોંઘવારી બંને પર દબાણ વધી શકે છે.

ખોરાક અને ઇંધણને બાદ કરતાં બાકીની વસ્તુઓની મોંઘવારી ૫ ટકા પર પહોંચી ગઈ છે, જે ૪૩ મહિનાનું ઊંચું સ્તર છે. માર્ચમાં તે ૩.૭ ટકા હતી. રાહતની વાત એ છે કે ખાવા-પીવાની વસ્તુઓ બહુ મોંઘી થઈ નથી. ફૂડ ઈન્ફલેશન માર્ચના ૧.૮૫ ટકાથી વધીને માત્ર ૨.૩૧ ટકા રહી. ડુંગળી અને બટાકાના ભાવ જથ્થાબંધ બજારમાં હજુ પણ ગયા વર્ષ કરતા નોંધપાત્ર રીતે નીચે છે.

DPI મુજબ, મે મહિનાના આંકડા ૧૫ જૂને જાહેર કરવામાં આવશે. \ માર્ચની સરખામણીએ એપ્રિલમાં ઇંધણ અને પાવર જૂથમાં મોંઘવારી દર ૧૮.૨૨ ટકા વધ્યો છે. જોકે, વીજળીના ભાવમાં ૨.૫૩ ટકાનો ઘટાડો થતાં સામાન્ય રાહત મળી છે. એપ્રિલમાં ફૂડ ઇન્ડેક્સ (અનાજ, કઠોળ અને ઉત્પાદિત ખાદ્ય ચીજો)માં માર્ચની સરખામણીએ ૨.૩૧ ટકાનો વધારો થયો છે.

જ્યારે માર્ચ મહિનામાં ખાદ્ય મોંઘવારી દર ૧.૮૫ ટકા પર સ્થિર રહ્યો હતો. જથ્થાબંધ ભાવ સૂચકાંકમાં ૬૪.૨૩ ટકા હિસ્સો ધરાવતા મેન્યુફેક્ચરિંગ ઉત્પાદનોની મોંઘવારીમાં એપ્રિલમાં ૧.૪ ટકાનો વધારો થયો છે. આ જૂથની ૨૨માંથી ૨૧ પ્રોડક્ટ્‌સના ભાવમાં વધારો જોવા મળ્યો છે.
બીજી તરફ, ગ્રાહક ભાવ સૂચકાંક પર આધારિત ભારતનો છૂટક મોંઘવારી દર એપ્રિલમાં ૩.૪૮ ટકા નોંધાયો છે.