એક અજનબી ફિલ્મની પેરિઝાદ આજે કરોડોના વ્યવસાયની માલીક

હિન્દી સિનેમામાં પેરિઝાદની કારકિર્દી ટૂંકી પણ યાદગાર હતી

પોતાની અભિનય કારકિર્દીને શિખર પર છોડી દઇ આજે બોલિવૂડની ચમક-દમકથી દૂર બિઝનેસની ચમક રેલાવે છે

મુંબઈ, મહાનાયક અમિતાભ બચ્ચનની સુદીર્ઘ ફિલ્મી કારકિર્દીમાં અનેક હીરોઇનો સાથે જોડી જમાવીને રૂપેરી પડદે નવાં સોપાનો સ્થાપ્યાં છે. અનેક નવી અને ઓછી જાણીતી હીરોઇનોને અમિતાભ સાથે ચમકવાનો ચાન્સ મળતાં તે રાતોરાત જાણીતી બની ગઇ હતી. આવી જ એક હીરોઇન હતી, પેરિઝાદ, જેણે પોતાની કારકિર્દીને શિખર પર છોડી દીધી હતી. હાલમાં તે ચમક અને ગ્લેમરથી દૂર રહીને કરોડોનો વ્યવસાય કરી રહી છે.

પેરિઝાદે પોતાની ૩૩ વર્ષની ઉંમરે બોલિવૂડ છોડી દીધું હતું. આપણે જે અભિનેત્રી વિશે વાત કરી રહ્યા છીએ તેનું આખું નામ પેરિઝાદ ઝોરાબિયન છે. એક સમય હતો જ્યારે તે ખૂબ જ પ્રખ્યાત બની હતી, પરંતુ કમનસીબે, પેરિઝાદ ગ્લેમરસ બોલિવૂડમાં પોતાના માટે વધુ સમય કોઈ સ્થાન બનાવી શકી ન હતી. બોલિવૂડ કોલિંગ નામની ફિલ્મ રિલીઝ થઈ. તેમાં નવીન નિશ્ચોલ અને ઓમ પુરી જેવા સ્ટાર્સ હતા, જેમની સાથે પેરિઝાદે ડેબ્યૂ કર્યું હતું.જોકે આ ફિલ્મને વધારે સફળતા મળી ન હતી, પરંતુ તેણે ચોક્કસપણે ચર્ચા જગાવી હતી. પેરિઝાદે મોડેલિંગ અને ફેરનેસ ક્રીમની જાહેરાતોથી પોતાની કારકિર્દીની શરૂઆત કરી હતી.

તે ધીમે ધીમે ફિલ્મોમાં આગળ વધી અને પોતાનું ડેબ્યૂ કર્યું. બાદમાં પેરિઝાદે ઘણી ફિલ્મોમાં અભિનય કર્યાે, પરંતુ તેની સૌથી યાદગાર ફિલ્મ અમિતાભ બચ્ચન સાથેનો તેમનો સહયોગ હતો. ૨૦૦૫ માં તેણે અમિતાભ બચ્ચન સાથે ફિલ્મ “એક અજનબી” માં અભિનય કર્યાે. આ ફિલ્મમાં પેરિઝાદ સહિત ઘણા અન્ય સ્ટાર્સ પણ હતા.પેરિઝાદને તેના અભિનય માટે પ્રશંસા મળી, પરંતુ ફિલ્મ તે ઇચ્છિત સફળતા પ્રાપ્ત કરવામાં નિષ્ફળ રહી હતી. હિન્દી સિનેમામાં પેરિઝાદની કારકિર્દી ટૂંકી પણ યાદગાર હતી. ૨૦૦૩ માં, તેણે વિક્ટર બેનરજી સાથે “જોગર્સ પાર્ક” નામની ફિલ્મમાં અભિનય કર્યાે. આ ફિલ્મ સુભાષ ઘાઈ દ્વારા લખવામાં આવી હતી.

આ પહેલાં પેરિઝાદે ટીવી પર પણ કામ કર્યું હતું.ફિલ્મો ઉપરાંત, પેરિઝાદે ટેલિવિઝન પર પણ કામ કર્યું. ટીવી સિરિયલ “દિલ પરદેસી હો ગયા” માં અભિનય કર્યાે. આ શોમાં તેણે મુખ્ય ભૂમિકા ભજવી હતી, જેની તે સમયે ખૂબ ચર્ચા થઈ હતી. તે કેટલાક અન્ય ટીવી શોમાં પણ દેખાઈ હતી. જોકે, ટીવી પછી, તેણી ઘણી અન્ય ફિલ્મોનો ભાગ હતી.જોકે આ ફિલ્મો તેના માટે ખૂબ સફળ રહી ન હતી, પેરિઝાદ એવી અભિનેત્રીઓમાંની એક હતી જેની શૈલી અન્ય કરતા અલગ હતી. તેના દેખાવને કારણે તેને અંગ્રેજી ફિલ્મો માટે પણ ભલામણ કરવામાં આવી રહી હતી. ૨૦૦૪ માં, તેણે ચાઇનીઝ ફિલ્મ બાંદુંગ સોનાટામાં કામ કર્યું હતું, જેમાં તેણે ઇન્દિરા ગાંધીની ભૂમિકા ભજવી હતી.

૩૩ની ઉંમરે લગ્ન, પછી બોલિવૂડ છોડી દીધુંપેરિઝાદે પોતાની ફિલ્મ કારકિર્દી વચ્ચે ફિલ્મોને અલવિદા કરી દીધી હતી. જેને પગલે ઘણું આશ્ચર્ય પણ ફેલાયું હતું. ૨૦૦૬ માં પેરિઝાદે ૩૩ વર્ષની ઉંમરે ઉદ્યોગપતિ બોમન રુસ્તમ ઈરાની સાથે લગ્ન કર્યાં. એ પછી બોલિવૂડથી દૂર રહેવાનું નક્કી કર્યું. આ બોમન ઇરાની અભિનેતા બોમન ઇરાની નહોતા, તેઓ ઉદ્યોગપતિ હતા.લગ્ન પછી પેરિઝાદનો પતિ બોમન રુસ્તમ ઈરાની ઇચ્છતો હતો કે તે વધુ મુસાફરી કરવાનું ટાળે. બાદમાં પેરિઝાદે ફિલ્મોમાં કામ કરવાનું બંધ કરી દીધું અને પોતાના પરિવાર પર ધ્યાન કેન્દ્રિત કરવાનું શરૂ કર્યું. આ દરમિયાન, પેરિઝાદે સુભાષ ઘાઈની ફિલ્મ અને સલામ-એ-ઈશ્ક જેવી ફિલ્મો સહિત અનેક મોટી ફિલ્મોની ઓફરોને પણ નકારી કાઢી હતી.SS1