ડિઝાઈનર મનીષ મલ્હોત્રાએ નવા ઘરમાં પાર્ટી યોજી
મુંબઈ: બોલિવુડના ફેમસ ડિઝાઈનર મનીષ મલ્હોત્રાએ પોતાના નવા ઘરે પાર્ટી યોજી હતી. જેમાં કાર્તિક આર્યન, ક્રીતિ સેનન, જેક્લીન ફનાર્ન્ડિઝ, નુસરત ભરુચા, જાહ્નવી કપૂર, ખુશી કપૂર, વાણી કપૂર ઉપસ્થિત રહ્યા હતા. ડિનર પાર્ટી દરમિયાનની તસવીરો તમામ સેલેબ્સે પોતાના સોશિયલ મીડિયા અકાઉન્ટ્સ પર શેર કરી છે.
મનિષ મલ્હોત્રાએ પોતાના ઘરે યોજેલી પાર્ટીની કેટલીક તસવીરો અને વીડિયો સોશિયલ મીડિયા પર શેર કર્યા છે. જેમાં ડિનર ટેબલ કેટલું સુંદર રીતે સજાવવામાં આવ્યું હતું તે પણ જાેઈ શકાય છે. મનીષે જે વીડિયો શેર કર્યો છે, તેમાં ડિનર ટેબલ ફુલો અને કેન્ડલથી ડેકોરેટ કરેલું છે. આ સાથે તેણે લખ્યું છે કે, ‘
તારાથી ભરેલા આકાશની નીચે ઝમગમતી રોશનીની વચ્ચે ડિનર. મનીષ મલ્હોત્રાએ આ સિવાય મહેમાન બનીને પહોંચેલી હીરોઈનો સાથેની એક તસવીર પણ શેર કરી છે. જેમાં એકબીજાને વળગીને પોઝ આપતાં દેખાઈ રહી છે. આ સાથે તેણે લખ્યું છે કે, ‘ફૅબ્યુલસ અને અમેઝિંગ ગર્લ્સની સાથે ૨૦૨૧ની રાહ જાેઈ રહ્યો છું.
મનીષના ઘરે પહોંચેલી માનુનીઓ સ્ટાઈલના મામલે એકબીજાને બરાબર ટક્કર આપી રહી હતી. જાહ્નવી કપૂરે ઓફ-વ્હાઈટ સ્વેટર ટી, ડેનિમ અને હાઈ હીલ્સ પહેરી હતી જ્યારે ખુશી પિંક કલરના શોર્ટ ડ્રેસમાં ક્યૂટ લાગી રહી હતી. બીજી તરફ કાર્તિક બ્લેક ટી-શર્ટ અને લાઈટ બ્લ્યૂ ડેનિમ તેમજ વ્હાઈટ શૂઝમાં હેન્ડસમ લાગી રહ્યો હતો
. યલ્લો-ગોલ્ડન ડ્રેસમાં ક્રીતિ પ્રિટિ લાગી રહી હતી જ્યારે નુસરત ભરુચા વન શોલ્ડર શોર્ટ ડ્રેસ પહેરીને ડિનર માટે પહોંચી હતી. વાણી કપૂરે પણ ડીપ નેક શોર્ટ આઉટફિટ પર પસંદગી ઉતારી હતી. જ્યારે જેક્લીને બ્લેક ડ્રેસ પહેર્યો હતો. બોલિવુડની હીરોઈનો સારી બહેનપણીઓ પણ હોઈ તેવું ભાગ્યે જ જાેવા મળતું હોય છે.
વાણી કપૂર, નુસરત ભરુચા, ક્રીતિ અને જેક્લીને ભલે બોલિવુડમાં સાથે પગ મૂક્યો હોય પરંતુ તેમને એકબીજા સાથે ખૂબ બને છે. ડિનર પાર્ટી દરમિયાન પણ તેની ઝલક જાેવા મળી હતી. વાણી, નુસરત અને ક્રીતિ સોશિયલ મીડિયા પર કઈ તસવીર શેર કરવી તે બાબતે ચર્ચા કરી રહ્યા હતા.
