ધ ફેમિલી મેન ૨નું ટ્રેલર રિલીઝ કરવામાં આવ્યું
મુંબઈ: મનોજ બાજપેયી સ્ટારર વેબ સિરીઝ ધ ફેમિલી મેન ૨નું ટ્રેલર રિલીઝ થયું છે. આ સાથે સિરીઝની પ્રીમિયરની તારીખ પણ જાહેર કરવામાં આવી છે. એક્શન, હ્યુમર અને નવી કાસ્ટ સાથેનો ‘ફેમિલી મેન ૨નું ટ્રેલર ચાહકોની ઉત્સુકતા વધારવા માટે પૂરતું છે. આ સિરીઝના ટ્રેલરમાં મનોજ બાજપેયી સાથે સામંથા અક્કીનેની, પ્રિયામણી જાેવા મળી.
આ સાથે દિવંગત એક્ટર આસિફ બસરા પણ તેમાં દેખાયા. આસિફ બસરા જે જબ વી મેટ, વન્સ અપોન અ ટાઇમ ઇન મુંબઇ અને કાઇ પો છેમાં તેમને શ્રેષ્ઠ અભિનય માટે યાદ કરવામાં આવે છે. આસિફે ગયા વર્ષે નવેમ્બરમાં આત્મહત્યા કરી હતી. આસિફનો મૃતદેહ ધર્મશાળામાં ભાડાના મકાનમાંથી મળી આવી હતી. અભિનેતાના આ પગલાથી બોલિવૂડમાં સનસનાટી મચી ગઈ હતી. લોકોને આશ્ચર્ય થયું કે તેણે આખરે કેમ આવું કર્યું. આસિફની આત્મહત્યા બાદ પોલીસે આ કેસની તપાસ શરૂ કરી હતી.
અહેવાલો અનુસાર આસિફ બસરા છેલ્લા કેટલાક સમયથી મેકલોડગંજમાં ભાડેથી મકાન લઇને વિદેશી મહિલા મિત્ર સાથે રહેતા હતા. સ્થાનિક લોકોના જણાવ્યા અનુસાર આસિફ બસરા આત્મહત્યાના આગલા દિવસે તેના કૂતરાને ફરવવા માટે નીકળ્યા હતા. ઘરે પરત ફરતા તેમણે કૂતરાની દોરથી લટકીને આત્મહત્યા કરી લીધી હતી.
પ્રારંભિક તપાસમાં પોલીસને ખ્યાલ હતો કે આસિફ હતાશાથી પીડાઈ રહ્યા હતા. આસિફ બસરાએ બોલિવૂડની ઘણી મોટી ફિલ્મોમાં કામ કર્યું છે. તેમણે હિંચકી, ક્રિશ ૩, કલાકંડી, પાતાલ લોક, હોસ્ટેજેઝ જેવા પ્રોજેક્ટ્સમાં તેમની પ્રતિભા બતાવી છે. હવે ફેમિલી મેન ૨માં આસિફને જાેઈને આસિફની યાદો ફરી એકવાર તાજી થઈ ગઈ છે.
