વિજય દેવરકોંડા હવે પીરિયડ એક્શન ડ્રામા ફિલ્મ કરશે
મુંબઈ, વિજય દેવરકોંડાની ૧૪મી ફિલ્મની એનાઉન્સમેન્ટ થઈ ચૂકી છે. આ એક પીરિયડ એક્શન ડ્રામા હશે જેને મૈથ્રી મુવી મેકર્સ જેવું મોટું પ્રોડક્શન હાઉસ પ્રોડ્યુસ કરશે. આ ફિલ્મ રાહુલ સંક્રિત્યાન દ્વારા ડિરેક્ટ કરવામાં આવશે, જેણે વિજય સાથે ‘ટેક્સીવાલા’ ફિલ્મ કરી હતી.
તેઓ આગામી ફિલ્મમાં ઓગણીસમી સદીનો સાંસ્કૃતિક રીતે સમૃદ્ધ પણ કોલાહલભર્યો સમય દર્શાવશે.અંગ્રેજકાળના સમયગાળા આધારિત આ ફિલ્મનું નામ હજુ જાહેર થયું નથી, પરંતુ તે વિજય દેવરકોંડાની ૧૪મી ફિલ્મ હોવાથી તેને ‘વીડી ૧૪’ કહેવામાં આવી રહી છે.
આ ફિલ્મમાં આઝાદીની લડતનો વિરોધ કર્યા વિના આંધ્રપ્રદેશના રાયલસીમાની આધારભૂત સ્થિતિ દર્શાવવામાં આવશે. આ ફિલ્મમાં વિજય દેવરકોંડા ક્યારેય ન જોયો હોય એવા લૂકમાં જોવા મળશે. આંધ્રપ્રદેશમાં હૈદ્રાબાદ, કર્મૂલ, અનંતપુર અને વાયએસઆર જિલ્લામાં ક્ટોબર અને નવેમ્બર મહિના દરમિયાન તેનું શૂટ કરવામાં આવશે.
ડિરેક્ટર રાહુલે બે વર્ષ સુધી આ ફિલ્મની સ્ક્રિપ્ટ માટે બારીકથી બારીક બાબતો પર ધ્યાન આપ્યું છે. એવી પણ ચર્ચાઓ છે કે રશ્મિકા મંદાના આ ફિલ્મમાં લીડ રોલમાં જોવા મળશે. વિજય દેવરકોંડાએ નવા અવતારમાં પ્રગટ થવા માટે પહેલાં જ તેની તારીખો ફાળવી દીધી છે. આ ઉપરાંત તે ડિરેક્ટર રવિ કિરણ કોલા અને પ્રોડ્યુસર દિલ રાજુ સાથે પણ એક ફિલ્મ કરી રહ્યો છે, જેનું શૂટ આવતા વર્ષે શરૂ થશે.
મૈથ્રી મુવીઝે આ ૧૯મી સદીની ફિલ્મ માટે મોટું બજેટ ફાળવ્યું છે, જેથી દરેક નાની બાબતોનું ધ્યાન રાખી શકાય અને દર્શકોને આધારભૂત અનુભવ મળી શકે. રાહુલ અને વિજયે પહેલાં પણ સફળ ફિલ્મ આપી હોવાથી તેમની પાસે આ ફિલ્મ માટે પણ દર્શકોની ઘણી અપેક્ષાઓ છે.SS1MS
