એરપોર્ટના રન-વેનું રીકાર્પેટીંગ માટે લેવાયો આ નિર્ણય
પ્રતિકાત્મક
ડેલિગેટસને સમસ્યા નડે નહીં એ માટે વાઈબ્રન્ટ સમિટ દરમ્યાન ૩ દિવસ રન-વે આખો દિવસ ખુલ્લો રાખવા પણ વિચારણા
(એજન્સી) અમદાવાદ, અમદાવાદ સરદાર વલ્લભભાઈ પટેલ ઈન્ટરનેશનલ એરપોર્ટ ખાતે આગામી વર્ષ ૩ જાન્યુઆરીથી ૩૧મી મે દરમ્યાન રન-વે રીકાર્પેટીંગની કામગીરી કરવામાં આવશે. જાે કે ૧૦ થી ૧ર જાન્યુઆરી દરમ્યાન વાઈબ્રન્ટ ગુજરાત સમિટ યોજવાની હોવાથી અમદાવાદ અરેપોર્ટના રન-વે રીકાર્પેટીંગની કામગીરી હવે ૧રમી જાન્યુઆરી બાદ જ શરૂ કરવા અંગે વિચારણા કરવામાં આવી રહી છે.
અમદાવાદ એરપોર્ટ મેેનેજમેન્ટ દ્વારા એવી જાહેરાત કરવામાં આવી હતી કે અમદાવાદ એરપોર્ટનોે ૩.૬ કી.મી.નો લાંબો રન-વે ૩ જી જાન્યુઆરીથી ૩૧મી મે સુધી જાહેર રજા -રવિવારને બાદ કરતા સવારે ૯ થી ૬ દરમ્યાન બંધ રહેવાનો હોવાથી ફલાઈટનું સંચાલન કરવામાં આવશે નહી. જેના પગલે ૭૦ થી વધુ ફલાઈટને રીશિડ્યુઅલ કરવામાં આવશે. જાે કે, વાયબ્રન્ટ સમિટમાં દેશ-વિદેશના મહાનુભાવો ઉપસ્થિત રહેવાના હોવાનથી એ વખતે રન-વે બંધ નહીં રાખવા માટે પણ વિચારણા શરૂ કરી દેવામાં આવી છે.
સુત્રોના જણાવ્યા અનુસાર વાયબ્રન્ટ સમિટમાં વડાપ્રધાન મોદી સહિત દેશવિદેશના અગ્રણી નેતાઓ, માંધાતા ઉદ્યોગપતિઓ ઉપસ્થિત રહેવાના છે. જેના કરણે એ વખતે જ અમદાવાદ અરેપોર્ટનો રન વેે ને સવારે ૯ થી ૬ ના પીકઅવર્સ દરમ્યાન બંધ રાખવો શક્ય નથી. હાલના તબક્કેે બે પાસા પર જ વિચાર કરવામાં આવી રહ્યો છે. જેમાં એક વિકલ્પ રન-વે રી-કાર્પેટીંગની કામગીરી વાયબ્રન્ટ સમિટ બાદ જ શરૂ કરવાનો છે.
આ સિવાય અન્ય એક વિકલપ રન-વે ને માત્ર વાયબ્રન્ટ સમિટ દરમ્યાન એટલે કે ૧૦ થી ૧ર જાન્યુઆરી વખતે જ ખુલ્લો રાખવાનો છે. હવે આ પૈકી કયા વિકલ્પ પર પસંદગી કરવામાં આવે છે એના પર આગામી ટૂૃક સમયમાં નિર્ણય લેવામાં આવશે. વાયબ્રન્ટ સમિટ દરમ્યાન અમદાવાદ એરપોર્ટનો રન-વે સવારે ૯ થી ૬ બંધ હોય ડેલિગેટસને પણ સમસ્યા નડે.
તેઓ સવારે ૯ થી ૬ દરમ્યાન આવે તો તેમના એરક્રાફટને વડોદરા લઈ જવુ પડે અને આ સ્થિતિમાં તેમનો સમય વેડફાય. આમ, આ સ્થિતિમાં રન-વેને વાયઈબ્રન સમિટ દમ્યાન સંપૂર્ણ ખુલલો રાવખામાં આવે એ જ શ્રેષ્ઠ વિકલ્પ હોવાનું જાણકારોનું માનવુ છે.
વાયબ્રન્ટ સમિટ દરમ્યાન અમદાવાદને સાળકતી કેટલીક ફલાઈટસને વડોદરા એરપોર્ટ ખાતે ડાઈવર્ટ કરવી તેના અંગે પણ બેઠકનો દોર શરૂ કરી દેવામાં આવ્યો છે.
