Western Times News

Gujarati News

જેક્લીન સલમાનની દબંગ ટૂરમાંથી બહાર થશે?

મુંબઈ, ૨૦૦ કરોડના એક મની લોન્ડ્રિંગ કેસમાં જેક્લીન ફનાર્ન્ડિસ અને નોરા ફતેહીનું નામ સામે આવ્યુ હતું. ઈડી દ્વારા આ કેસની તપાસ કરવામાં આવી રહી છે. રવિવારના રોજ મુંબઈ એરપોર્ટ પર જેકલીનની અટકાયત કરવામાં આવી હતી અને થોડી વાર પછી તેને ઘરે મોકલી દેવામાં આવી હતી. જેક્લીન મંજૂરી મેળવ્યા વિના દેશ છોડીને જઈ નથી શકતી.

કહેવામાં આવે છે કે ૨૦૦ કરોડ રુપિયાના મની લોન્ડ્રિંગ કેસના આરોપી સુકેશ ચંદ્રશેખર સાથે જેક્લીન રિલેશનશિપમાં હતી. જેકલીનને આ કેસ ભારે પડી રહ્યો છે. શક્ય છે કે સલમાન ખાનની દબંગ ટૂરમાં તેને સ્થાન ના મળે. રિપોર્ટ્‌સ અનુસાર, સલમાન ખાન અને જેકલીન સારા મિત્રો છે પરંતુ વર્તમાન પરિસ્થિતિને ધ્યાનમાં રાખીને તે જેક્લીનના સ્થાને ડેઝી શાહને ટૂર પર લઈ જઈ શકે છે.

આ શો રિયાધમાં થવાનો છે. સલમાન ખાન નથી ઈચ્છતો કે આ કેસ સાથે કોઈ પણ પ્રકારે તેનું નામ જાેડવામાં આવે. સલમાન ખાન હવે જેક્લીનને રિપ્લેસ કરી શકે છે અને શક્યતા છે કે તે ડેઝી શાહને સ્થાન આપે. સલમાન ખાનની ટૂર ટુંક સમયમાં શરુ થવાની છે.

સલમાનની સાથે આયુષ શર્મા, પ્રભુદેવા, સુનીલ ગ્રોવર, સઈ માંજરેકર અને શિલ્પા શેટ્ટી જેવા અનેક કલાકારો હાજર રહેશે. જેક્લીન પણ આ ટૂરનો ભાગ હતી, પરંતુ હવે તેનું જવું મુશ્કેલ છે. ઈડીએ આ પહેલા અનેકવાર જેક્લીનને પૂછપરછ માટે બોલાવી છે. જેક્લીન પર આરોપ છે કે તેણે ઠગ સુકેશ ચંદ્રશેખર પાસેથી કરોડો રુપિયાની કિંમતના ગિફ્ટ તરીકે લીધા હતા.

પરંતુ જેક્લીનનો દાવો છે કે, તે પોતે જ છેતરપિંડીનો શિકાર બની છે. તે આ કેસમાં આરોપી નહીં પણ પીડિત છે. રિપોર્ટ્‌સ અનુસાર, સુકેશે જેક્લીનને ૫૨ લાખ રુપિયાની કિંમતનો ઘોડો અને નવ લાખ રુપિયાની પર્શિયન બિલાડી ગિફ્ટ કરી હતી.

ચાર્જશીટમાં જેક્લીન ફનાર્ન્ડિઝ સિવાય અભિનેત્રી નોરા ફતેહીનો પણ ઉલ્લેખ કરવામાં આવ્યો છે. સુકેશે નોરા ફતેહીને અત્યંત મોંઘી કાર ગિફ્ટ કરી હોવાનો દાવો કરવામાં આવે છે.

સુકેશના મની લોન્ડ્રિંગ કેસમાં ઈડી આ પહેલા બન્ને અભિનેત્રીઓની પૂછપરછ કરી ચૂકી છે. ઉલ્લેખનીય છે કે દિલ્હી પોલીસ દ્વારા ઓગસ્ટ મહિનામાં સુકેશ ચંદ્રશેખર સહિત અન્ય લોકો વિરુદ્ધ ૨૦૦ કરોડની છેતરપિંડીનો કેસ દાખલ કર્યો હતો.

આ કેસ સિવાય પણ સુકેશ વિરુદ્ધ દેશભરમાં અનેક કેસ દાખલ કરવામાં આવ્યા છે. પૂછપરછ દરમિયાન સુકેશે જણાવ્યું કે તેણે તિહાર જેલ પ્રશાસનને કરોડો રુપિયાની લાંચ આપીને જેલમાંથી પોતાનું રેકેટ ચલાવ્યુ હતું. ત્યારપછી પાંચ જેલ અધિકારીઓની પણ ધરપકડ કરવામાં આવી હતી.SSS


Read News In Hindi

Read News in English

Copyright © All rights reserved. | Developed by Aneri Developers.