માત્ર ૧૦થી ૧૫ દિવસમાં જ પાસપોર્ટ બની શકશે
પ્રતિકાત્મક
નવી દિલ્હી, જાે તમે વિદેશ પ્રવાસ કરવા ઈચ્છો છો તો તેના માટે સૌથી જરૂરી છે કે તમારી પાસે પાસપોર્ટ હોવો જાેઈએ. આના વિના તમને વિદેશમાં એન્ટ્રી નહીં મળે.
આ સિવાય પાસપોર્ટ પણ ઘણી જગ્યાએ ઉપયોગી છે. જાે તમે પણ તમારો પાસપોર્ટ બનાવવા માંગો છો તો આ સમાચાર ફક્ત તમારા માટે છે. જાે તમે હજુ સુધી પાસપોર્ટ માટે અરજી કરી નથી, તો અમે તમને સ્ટેપ-ટુ-સ્ટેપ પ્રક્રિયા જણાવીશું, જેને અનુસરીને તમે કોઈપણ મુશ્કેલી વિના પાસપોર્ટ માટે અરજી કરી શકો છો. પાસપોર્ટ મેળવવા માટે ઓનલાઈન અરજી કરનારાઓ માટે સારા સમાચાર છે.
હવે માત્ર ૧૦થી ૧૫ દિવસમાં પાસપોર્ટ બની શકશે. આ માટે તમારે ઓનલાઈન અરજી કરવી પડશે અને આ માટે દસ્તાવેજાેની યાદી આપવી જરૂરી નથી. તમે તમારા દસ્તાવેજાે ઓનલાઈન સબમિટ કરી શકો છો. ઉપરાંત, ઓળખના પુરાવા અને સરનામાના પુરાવા જેવા તમામ દસ્તાવેજાેને બદલે, ફક્ત એક જ આધાર કાર્ડ કામ કરી શકે છે. પાસપોર્ટની પ્રક્રિયામાં સ્ટેપ-૧માં સૌથી પહેલા તમારે પાસપોર્ટ સેવા https://portal1.passportindia.gov.in/ પર જવું પડશે.
અહીં હોમ પેજ પર New User Registration માટે આપેલ લિંક પર ક્લિક કરો. સ્ટેપ-૨માં સ્ક્રીન પર તમને ડાબી બાજુનો વિકલ્પ દેખાશે. હવે એક નવી વિન્ડો ખુલશે. અહીં પૂછવામાં આવેલી તમામ વિગતો ભરો અને કેપ્ચા કોડ દાખલ કરો અને Register બટન પર ક્લિક કરો.
સ્ટેપ-૩માં આ પછી User Loginના વિકલ્પ પર જાઓ. અહીં રજીસ્ટ્રેશન સમયે બનાવેલ લોગિન IDની મદદથી લોગિન કરો અને Apply for Fresh Passport and Re-Issue of Passport માટે આપેલી લિંક પર ક્લિક કરો.
સ્ટેપ-૪માં ત્યારબાદ તમારે પૂછવામાં આવેલી તમામ વિગતો ભરો અને Pay and Schedule પર ક્લિક કરો. પછી તમારી અનુકૂળતા મુજબ પાસપોર્ટ ઓફિસ જવા માટે તારીખ પસંદ કરો. ત્યારબાદ તમે ઓનલાઈન પેમેન્ટ કરી શકો છો. સ્ટેપ-૫માં પછી તમારે Print Application Receipt પર ક્લિક કરીને રસીદ ડાઉનલોડ કરવાની રહેશે. જે દિવસે તમારી એપોઇન્ટમેન્ટ હોય તે દિવસે તમારા અસલ દસ્તાવેજાે તમારી સાથે રાખો. દસ્તાવેજ અને પોલીસ વેરિફિકેશનની તારીખથી ૧૫-૨૦ દિવસમાં તમારો પાસપોર્ટ તમારા ઘરે ટપાલ દ્વારા પહોંચી જશે.SSS
