Western Times News

Gujarati News

ફિંગરપ્રિન્ટથી ઓળખ થતાં બાળકીનું મા-બાપ સાથે મિલન

કાનપુર, તે બોલી કે સાંભળી શકતી નથી. કાનપુર સ્ટેશન પર બે વર્ષ પહેલા બિનવારસી હાલતમાં મળી આવી હતી. ન તો ઘરનું સરનામું હતું કે ન પરિવારનું. શેલ્ટર હોમમાં લોકો તેને મનુ કહેવા લાગ્યા.

પરંતુ હવે બે વર્ષ પછી મનુને તેના માતા-પિતા પોતાનું ઘર પણ મળી ગયું છે. તે પંજાબના લુધિયાણાની છે અને આ બધું યુનિક આઈડેન્ટિફિકેશન ઓથોરિટી ઓફ ઈન્ડિયા (યુઆઈડીએઆઈ)ની મદદથી શક્ય બન્યું છે. આખી વાર્તા ખૂબ જ રસપ્રદ અને ઈમોશનલ છે.

કાનપુર સેન્ટ્રલ રેલ્વે સ્ટેશન પર ભટકતી છોકરી મનુને ૧ ફેબ્રુઆરી ૨૦૨૦ના રોજ ચાઈલ્ડ હેલ્પલાઈન દ્વારા બચાવી લેવામાં આવી હતી. તે મૂકબધિર છે.

તે એકલી હોવાની પુષ્ટિ કર્યા પછી સ્વયંસેવકોએ તેને સરકારી આશ્રય ગૃહમાં મોકલી, જ્યાં તેણી બે વર્ષ સુધી રહી હતી. ૨૩ જાન્યુઆરી ૨૦૨૨ના રોજ તેને આધાર નોંધણી માટે લઈ જવામાં આવી જ્યાં તેની ફિંગરપ્રિન્ટ લેવામાં આવી. પરંતુ સૉફ્ટવેરે તેની ફિંગરપ્રિન્ટ લેવાનો ઇનકાર કર્યો હતો કારણ કે, લુધિયાણાના રામનગરમાં રેશમી નામની આવી જ ફિંગરપ્રિન્ટ અસ્તિત્વમાં છે.

કાનપુર જિલ્લાના અધિકારીઓએ લુધિયાણામાં પ્રાદેશિક આધાર કાર્યાલયનો સંપર્ક કર્યો અને પુષ્ટિ કરી કે મનુના ફિંગરપ્રિન્ટ્‌સ રામ નગર વિસ્તારમાં રેશમીના ફિંગરપ્રિન્ટ્‌સ સાથે મેળ ખાય છે. કેન્દ્રના અધિકારીએ બાળકીના માતા-પિતાને શોધવા માટે લુધિયાણાના અધિકારીઓનો સંપર્ક કર્યો અને સોમવારે છોકરીનું તેના માતાપિતા સાથે મિલન થયું.

સ્વરૂપ નગરમાં સરકારી કન્યા ગૃહના સૂત્રોએ જણાવ્યું હતું કે લગભગ બે વર્ષ પહેલાં જ્યારે બાળકી રેલ્વે સ્ટેશન પર મળી હતી, ત્યારે તે તેના નામ, સરનામું અને પરિવાર વિશે કોઈ માહિતી આપી શકી નહોતી. ગવર્મેન્ટ ગર્લ્સ હોમ સુપરિન્ટેન્ડેન્ટે બાળકીને નવું નામ મનુ આપ્યું.

૧૨ વર્ષની ઉંમર પછી સુપરિન્ટેન્ડેન્ટે તેને પાંચમા ધોરણમાં શાળામાં લાવવાની પ્રક્રિયા શરૂ કરી. આ સાથે મહિલા કલ્યાણ નિદેશાલય તરફથી દાવો ન કરાયેલ બાળકો માટે આધાર કાર્ડ બનાવવાનો આદેશ પણ આવ્યો હતો.

૨૩ જાન્યુઆરીએ જ્યારે યુઆઈડીએઆઈ ટીમે બાલિકા ગૃહમાં અંગૂઠાની છાપ અને આંખનું સ્કેન કરવાનું શરૂ કર્યું, ત્યારે તેમને ખબર પડી કે મનુનો બાયોમેટ્રિક રેકોર્ડ પહેલેથી જ ત્યાં હતો. ટીમ લખનૌ ગઈ અને મનુના ફિંગરપ્રિન્ટ અને રેટિના સ્કેનના આધારે તેનું પહેલેથી જ બનાવેલું આધાર કાર્ડ કાઢ્યું. છ દિવસ પહેલા ટીમ યુવતીના ઘરે આવી હતી અને મનુનો આધાર સુપરિન્ટેન્ડેન્ટ ઉર્મિલા ગુપ્તાને સોંપ્યો હતો.

ત્યારે તેમને ખબર પડી કે મનુનું સાચું નામ રેશ્મી છે અને તે લુધિયાણાના રામનગરની છે. ઉર્મિલાએ આ વિશે જણાવ્યું કે અમે તરત જ લુધિયાણા બાળ કલ્યાણ સમિતિનો સંપર્ક કર્યો. ત્યાંની સમિતિ રામ નગર કોલોનીમાં મનુના માતા-પિતાને શોધી કાઢ્યા.

આ પછી મેં છોકરીના માતા-પિતાને કાનપુર બોલાવ્યા. રેશ્મીના પિતા શંકર રાય, માતા બિંદુ દેવી, ભાઈ મિત્રરંજન અને કાકી શબનમ સોમવારે પહોંચ્યા હતા. રેશ્મીને તેની સામે જાેઈને તેનો આનંદ અનંત હતો. સુપરિન્ટેન્ડેન્ટે કહ્યું કે બાળકીને બાળ કલ્યાણ સમિતિ સમક્ષ રજૂ કર્યા બાદ તેના માતાપિતાને સોંપવામાં આવશે.SSS


Read News In Hindi

Read News in English

Copyright © All rights reserved. | Developed by Aneri Developers.