Western Times News

Gujarati News

આલિયા અને રણબીરની ફિલ્મ બ્રહ્માસ્ત્રનું ટ્રેલર રિલીઝ

મુંબઈ, આલિયા ભટ્ટ અને રણબીર કપૂરની ફિલ્મ ‘બ્રહ્માસ્ત્ર’ની લાંબા સમયથી રાહ જાેવાઈ રહી છે. ફેન્સને લાંબા સમય સુધી રાહ જાેવડાવ્યા બાદ આખરે ૧૫ જૂને બ્રહ્માસ્ત્રનું ટ્રેલર રિલીઝ કરી દેવામાં આવ્યું છે.

ફિલ્મમાં રણબીર કપૂર શિવાના રોલમાં છે જ્યારે આલિયા તેની પ્રેમિકા ઈશાના રોલમાં છે. ટ્રેલરમાં અમિતાભ બચ્ચનનો ભરાવદાર અવાજ પ્રાણ ફૂંકે છે. શિવા કોણ છે અને ‘બ્રહ્માસ્ત્ર’ શું છે તેની ઝલક ટ્રેલરમાં જાેવા મળે છે.

ફિલ્મના ડાયરેક્ટર અયાન મુખર્જીએએ ‘બ્રહ્માસ્ત્ર’નું પહેલું ટ્રેલર રિલીઝ કર્યું છે. ટ્રેલરમાં રણબીર કપૂર અને આલિયા ભટ્ટ ઉપરાંત, અમિતાભ બચ્ચન, નાગાર્જુન અને મૌની રોયની ઝલક જાેવા મળે છે.

ફિલ્મનું ટ્રેલર અદ્ભૂત વિઝ્‌યુઅલ ઈફેક્ટ્‌સ, ધમાકેદાર એક્શન સીન્સ, રોમેન્સ અને ડ્રામાથી ભરેલું છે. ટ્રેલર જાેતાં તો લાગી રહ્યું છે કે, ફિલ્મને લઈને જે હાઈપ ઊભી કરવામાં આવી હતી તેના પર ખરું ઉતરી શકશે. પુરાણો અને ભારતીય ઈતિહાસની વાર્તામાં ફિલ્મના મૂળિયા જાેડાયેલા છે પરંતુ તેને મોડર્ન કોન્સેપ્ટ સાથે રજૂ કરવામાં આવી છે.

પ્રેમ અને આશા, ખરાબ પર સારાની જીતની વાર્તા દર્શાવતી આ ફિલ્મમાં વીએફએક્સનો ખૂબ સારો ઉપયોગ કરવામાં આવ્યો છે. ત્રણ ભાગમાં રિલીઝ થનારી ફિલ્મના પહેલા ભાગની વાર્તા શિવા (રણબીર કપૂર) પર કેંદ્રિત છે.

શિવા ઈશા (આલિયા ભટ્ટ)ના ગળાડૂબ પ્રેમમાં છે. જાેકે, તેમને ખબર પડે છે કે, શિવાનું બ્રહ્માસ્ત્ર સાથે રહસ્યમયી જાેડાણ છે ત્યારે ઉથલપાથલ સર્જાય છે. શિવા પાસે એક અજાયબ શક્તિ છે જેને અત્યાર સુધી તે સમજી નહોતો શક્યો અને તે શક્તિ છે આગ.

આ ફિલ્મ દર્શકોને અસ્ત્રોની દુનિયામાં લઈ જશે. આગથી ના દાઝતા શિવાને ખબર પડે છે કે તે પોતે જ અગ્નિ છે અને બ્રહ્માંડના રક્ષક બનવું તેની કિસ્મતમાં લખાયેલું છે. ફિલ્મમાં અમિતાભ બચ્ચન પ્રોફેસર અરવિંદ ચતુર્વેદીના રોલમાં છે જ્યારે નાગાર્જુન અક્કિનેની આર્કિયોલોજીસ્ટના રોલમાં છે.

ઉલ્લેખનીય છે કે, ‘બ્રહ્માસ્ત્ર’ ભારતના પહેલા ઓરિજિનલ યુનિવર્સ અસ્ત્રાવર્સની શરૂઆત છે. દમદાર સ્ટાર કાસ્ટ સાથેની આ ફિલ્મ ૯ સપ્ટેમ્બર ૨૦૨૨ના રોજ રિલીઝ થવાની છે. ટ્રેલર જાેઈને ફેન્સનો ફિલ્મ માટેનો ઉત્સાહ બમણો થઈ ગયો છે અને હવે તેઓ આતુરતાથી ફિલ્મ રિલીઝ થવાની રાહ જાેઈ રહ્યા છે.

ફિલ્મમાં શાહરૂખ ખાન અને દીપિકા પાદુકોણ પણ મહત્વના રોલમાં જાેવા મળશે તેવા અહેવાલો છે. જાેકે, હકીકત તો ૯ સપ્ટેમ્બરે ફિલ્મ રિલીઝ થયા પછી જ સામે આવશે.SS1MS


Read News In Hindi

Read News in English

Copyright © All rights reserved. | Developed by Aneri Developers.