મહારાષ્ટ્રમાંં પેસેંજર ટ્રેન અને માલગાડી વચ્ચે ટક્કર: ૫૦ મુસાફરો ઘાયલ
મુંબઇ, મહારાષ્ટ્રના ગોંદિયામાં ટ્રેન અકસ્માતનો મામલો સામે આવ્યો છે. જ્યાં એક પેસેન્જર ટ્રેન અને માલગાડી વચ્ચે ટક્કર સર્જાઇ છે. આ અકસ્માતમાં ૫૦થી વધુ મુસાફરોને ઇજા પહોંચી છે. કહેવામાં આવી રહ્યું છે કે માલગાડી અને મુસાફર ટ્રેન ભગત કી કોઠી વચ્ચે સિગનલ ન મળવાના લીધે આ દુર્ઘટના સર્જાઇ છે. મળી માહિતી અનુસાર આ દુર્ઘટના બુધવારે સર્જાઇ હતી.
કહેવામાં આવી રહ્યું છે તેમાંથી એક ટ્રેન છત્તીસગઢના બિલાસપુરથી રાજસ્થાનના જાેધપુર જઇ રહી હતી. સિગ્નલ ન મળવાના લીધે પેસેંજર ટ્રેન ભગત કી કોઠી અને માલગાડી વચ્ચે ટક્કર સર્જાઇ હતી. મળતી માહિતી અનુસાર સિગ્નલની સમસ્યાના કારણે બંને ટ્રેન એક જ ટ્રેક પર આવી ગઇ હતી.
સિગ્નલ મળતાં બિલાસપુર-ભાગત કી કોઠી પેસેંજર ટ્રેન આગળ નિકળી. તો બીજી તરફ પાટા પર માલગાડી નાગપુર તરફ જઇ રહી છે. રેલવે સિગ્નલ ન મળતાં તે ગોંદિયા ગેટ પાસે પેસેંજર ટ્રેને માલગાડીને ટક્કર મારી દીધી. કહેવામાં આવી રહ્યું છે કે રેલ અકસ્માતમાં ૫૩ મુસાફરો ઘાયલ થયા છે, જેમાંથી ૧૩ને સામાન્ય ઇજા પહોંચી છે.HS1MS
