“Bigboss16″થી પોપ્યુલર થયેલી સુમ્બુલના પિતા બીજીવાર નિકાહ કરવા જઈ રહ્યા છે
File
સુમ્બુલ તૌકીર ખાને મહેંદી સેરેમનીની ઝલક દેખાડતી કેટલીક તસવીરો અને વીડિયો ઈન્સ્ટાગ્રામ સ્ટોરીમાં શેર કર્યા છે
મુંબઈ, ઈમલી અને બિગ બોસ ૧૬થી પોપ્યુલર થયેલી સુમ્બુલ તૌકીર ખાન અત્યંત ખુશ છે અને હોય પણ કેમ નહીં? તે અને તેની બહેન સાનિયા છેલ્લા દસ વર્ષથી પિતા તૌકીર ખાનને ફરીથી નિકાહ કરવા માટે મનાવી રહ્યા હતા, પરંતુ તેઓ તેમની જવાબદારીને ધ્યાનમાં રાખી તૈયાર થતાં નહોતા.
જાે કે, આખરે તેઓ માની ગયા છે. જી હા, એક્ટ્રેસના પિતા ડિવોર્સના ઘણા વર્ષ બાદ બીજીવાર કુબૂલ હૈ બોલવા જઈ રહ્યા છે. તેમના નિકાહ પહેલા પ્રી-વેડિંગ ફંક્શન શરૂ થઈ ગયા છે. ગુરુવારે રાતે મહેંદી સેરેમની યોજાઈ હતી, જેમાં પરિવારના સભ્યો જ સામેલ થયા હતા. સોશિયલ મીડિયા પર આ ફંક્શનના કેટલાક વીડિયો વાયરલ થઈ રહ્યા છે.
સુમ્બુલ તૌકીર ખાને મહેંદી સેરેમનીની ઝલક દેખાડતી કેટલીક તસવીરો અને વીડિયો ઈન્સ્ટાગ્રામ સ્ટોરીમાં શેર કર્યા છે. જેમાંથી એક તસવીરમાં તેણે પોતાની મહેંદી દેખાડી છે. તસવીરમાં જાેઈ શકાય છે કે તેણે એકદમ સિમ્પલ મહેંદી મૂકાવી છે. જ્યારે એક ક્લિપમાં પરિવારની કોઈ મહિલા વ્હાઈટ કલરના બોર્ડ પર કંઈક ડ્રો કરી રહી છે.
એક વીડિયોમાં મહેંદી મૂકાવતા-મૂકાવતા સુમ્બુલ ‘ઢોલી તારો ઢોલ બાજે’ સોન્ગ પર ઝૂમી રહી છે. તેણે પિંક કલરના ટોપની સાથે વ્હાઈટ કલરનો પાયજામો પહેર્યો છે અને મેચિંગ દુપટ્ટો નાખ્યો છે. બેકગ્રાઉન્ડમાં ઘરમાં ફૂલોથી કરવામાં આવેલું સુંદર ડેકોરેશન જાેઈ શકાય છે. આ સિવાય એકમાં તે નેઈલ સ્પા એન્જાેય કરી રહી છે.
દરેક વીડિયોમાં તેના ચહેરા પરની ખુશી જાેવા જેવી છે. સુમ્બુલ તૌકીરે ઈન્ટરવ્યૂમાં તેના પિતા બીજીવાર નિકાહ કરવા જઈ રહ્યા હોવાનું જણાવ્યું હતું. આ સાથે તેણે કહ્યું હતું કે, તેના પિતા તેના માટે હંમેશા પ્રેરણાનો મુખ્ય સ્ત્રોત કર્યા છે. તેમણે છેલ્લા કેટલાક વર્ષથી બંને બહેનોને ખૂબ સપોર્ટ આપ્યો છે.
તેઓ લગ્નજીવનને બીજીવાર તક આપવા માટે ખુશ થયા તેની તેમને ખુશી છે. સુમ્બુલ જ્યારે છ વર્ષની હતી ત્યારે તેના માતા-પિતાના ડિવોર્સ થયા હતા. તેના પિતાએ જ બંને બહેનોનો ઉછેર એકલા હાથે કર્યો હતો. સુમ્બુલે કહ્યું હતું કે, ‘એકવાર મેં મારા પિતા માટે દુલ્હન શોધવાનો પ્રયાસ કર્યો હતો પરંતુ અનુભવ એટલો સારો નહોતો.
તેમને ફરીથી પરણાવવા માટે જેટલી ઉત્સાહિત છું એટલી જ ઉત્સાહથી તેઓ ખાસ દિવસે તૈયાર થાય તેમ હું ઈચ્છું છું. તૌકીર ખાન જેની સાથે નિકાહ કરવાના છે તેનું નામ નિલોફર છે, જે ડિવોર્સી છે અને તેને અઢી વર્ષની એક દીકરી પણ છે. સુમ્બુલ પરિવારમાં બંને સભ્યોનું આગમન કરવાની તૈયારી કરી રહી છે.
ઈટાઈમ્સ ટીવીએ જ્યારે તૌકીર ખાનને તેઓ શું અનુભવી રહ્યા છે તેમ પૂછ્યું ત્યારે તેમણે કહ્યું હતું કે ‘સુમ્બુલ અને સાનિયા છેલ્લા દસ વર્ષથી મારી પાછળ પડી ગઈ હતી. મોટા પપ્પા સાથે મળીને તેમણે આ ષડયંત્ર રચ્યું છે. અત્યારે તો ગભરામણ થઈ રહ્યું છે’. બાદમાં તેમણે કહ્યું હતું કે, નિકાહ થયા બાદ તેઓ નિલોફર વિશે વધુ વાત કરશે.
