પાકિસ્તાન સામેની મેચમાં શુભમન ગિલની રમવાની સંભાવના ઓછી?
(એજન્સી)નવી દિલ્હી, ભારતીય ક્રિકેટ ટીમે વર્લ્ડ કપની પહેલી મેચમાં ઓસ્ટ્રેલિયા સામે શાનદાર વિજય મેળવીને વિશ્વકપમાં પોતાના અભિયાનની શરુઆત કરી દીધી છે પરંતુ ભારતીય ક્રિકેટ ટીમ માટે વન-ડે વર્લ્ડ કપ ૨૦૨૩ની શરૂઆતથી જ મુશ્કેલીઓ ઓછી થવાનું નામ લઇ રહી નથી.
ભારતના બેટિંગ કોચ વિક્રમ રાઠોરે જણાવ્યું હતું કે શુભમન ગિલ બીમારીમાંથી સાજો થઈ રહ્યો છે જેણે તેને ઓસ્ટ્રેલિયા સામેની ટુર્નામેન્ટની શરૂઆતની મેચમાંથી બહાર રાખવામાં આવ્યો હતો, જ્યારે ઉમેર્યું હતું કે ઓપનર ચેન્નાઈની હોટેલમાં પાછો ફર્યો હતો. સાવચેતીના પગલા તરીકે હોસ્પિટલમાં દાખલ કરવામાં આવ્યો હતો.
સોમવારે, BCCIએ, બીમારીના પ્રકારનો ઉલ્લેખ કર્યા વિના, એક નિવેદનમાં જણાવ્યું હતું કે ગિલ બીમારીને કારણે બુધવારે નવી દિલ્હીના અરુણ જેટલી સ્ટેડિયમમાં અફઘાનિસ્તાન સામે 2023 મેન્સ વનડે વર્લ્ડ કપની ભારતની બીજી મેચ રમશે નહિં, તેઓની સાથે મેડિકલ ટીમની દેખરેખ હેઠળ ચેન્નાઈમાં રહ્યા હતા.
શુભમન ગિલને ચેન્નઈની એક હોસ્પિટલમાં દાખલ કરવામાં આવ્યો છે. ભારતના ઓપનિંગ બેટ્સમેન શુભમન ગિલને ડેન્ગ્યુથી પ્લેટલેટ્સ ઓછા થવાને કારણે ચેન્નઈની એક હોસ્પિટલમાં દાખલ કરવામાં આવ્યા છે. ટીમના સ્ટાર ઓપનર શુભમન ગિલ ડેન્ગ્યૂના કારણે ઓસ્ટ્રેલિયા સામે વન-ડે વર્લ્ડ કપ ૨૦૨૩ની પ્રથમ મેચ રમી શક્યો ન હતો
તેમજ તે અફઘાનિસ્તાન સામેની મેચમાંથી પહેલા જ બહાર થઈ ગયો છે ત્યારે હવે સુત્રોમાંથી મળતી માહિતી મુજબ તે હવે પાકિસ્તાન સામેની મેચમાં ગિલના રમવાની સંભાવના ઓછી છે.
