આમિરની દીકરી ઈરા અને નુપુરનું પ્રી-વેડિંગ શરૂ
મુંબઈ, બૉલીવુડના મિસ્ટર પરફેક્શનિસ્ટ આમિર ખાનની દીકરી ઈરા ખાન ટૂંક સમયમાં તેની બૉયફ્રેન્ડ નુપુર શિખરે સાથે લગ્ન કરવા જઈ રહી છે. આ કપલ આવતા વર્ષે લગ્નના બંધનમાં બંધાશે. હાલ આમિર ખાનની દીકરીના પ્રી-વેડિંગ ફંક્શન શરૂ થઈ ગયા છે. ગઈકાલે ઈરા ખાન અને નૂપુરના લગ્નની શરૂઆત કેલવન સેરેમની સાથે થઈ હતી. આ કપલે સોશ્યલ મીડિયા પર તેની તસવીરો પણ શેર કરી છે.
થોડા સમય માટે એકબીજાને ડેટ કર્યા પછી આમિર ખાનની દીકરી ઇરા ખાને પોતાના બૉયફ્રેન્ડ નુપુર શિખરે સાથે નવેમ્બર ૨૦૨૨ માં ઓફિશિયલી રીતે સગાઈ કરી. આ કપલ હવે જાન્યુઆરી ૨૦૨૪માં લગ્ન કરવા જઈ રહ્યું છે. આ દંપતીએ ગઈકાલે કેલવન સમારોહનું આયોજન કર્યું હતું અને આ સાથે તેમના પ્રી-વેડિંગ ફંક્શન્સ શરૂ થઈ ગયા છે.
ખરેખરમાં, ઈરાની વર-વધૂ નૂપુર મહારાષ્ટ્રીયન છે, તેથી મહારાષ્ટ્રીયન લગ્નમાં આ એક મહત્વપૂર્ણ ફંક્શન છે. કેલ્વન ફંક્શનમાં વર અને વરરાજાના પરિવારો લગ્ન પહેલાં પરંપરાગત સ્વાદિષ્ટ ભોજન માટે ભેગા થયા છે અને એકબીજાને મળે છે જેથી એકબીજાને લગ્નમાં આમંત્રણ આપી શકાય. આમાં એકબીજાને ભેટ પણ આપવામાં આવે છે. કન્યા અને વરરાજાના સંબંધીઓ પણ ફંક્શનમાં હાજરી આપે છે અને લગ્ન કરી રહેલા દંપતી પર આશીર્વાદ વરસાવે છે અને તેમને ગિફ્ટો આપે છે. ઈરા ખાન અને નુપુરના કેલવન ફંક્શનની તસવીરો હવે ઈન્સ્ટાગ્રામ પર વાયરલ થઈ રહી છે.
તસવીરોમાં દેખાતી કન્યાએ ‘નૉઝ રિંગ’ સાથે સુંદર ગુલાબી-સફેદ લહેરિયા સાડી પહેરી છે જે પરંપરાગત રીતે મહારાષ્ટ્રીયન છે. આ દરમિયાન ઇરા અને નુપુર બંનેના સંબંધીઓ તેમની સાથે જાેવા મળ્યા હતા. એકમાં રીના દત્તા નૂપુરની માતા પ્રિતમ શિખરે સાથે જાેવા મળી હતી. ઇરાની નજીકની મિત્ર અભિનેત્રી મિથિલા પાલકર પણ તેની સાથે જાેવા મળી હતી. અહેવાલ મુજબ ઈરા અને નુપુર ૩ જાન્યુઆરી ૨૦૨૪ના રોજ કૉર્ટ મેરેજ કરશે.
આ પછી તેઓ ડેસ્ટિનેશન વેડિંગ માટે ઉદયપુર જશે. ઈરાના પિતા આમિર ૧૩ જાન્યુઆરીએ મુંબઈમાં તેમની દીકરી માટે ભવ્ય લગ્ન સમારંભનું આયોજન કરશે. રિપોર્ટ અનુસાર, એક સૂત્રનું કહેવું છે કે, “આમીર ખાનની દીકરી ઇરાના લગ્નની ભવ્ય ઉજવણી થશે.” આમિર રિસેપ્શન માટે ફિલ્મ ઈન્ડસ્ટ્રીના લોકોને વ્યક્તિગત રીતે આમંત્રિત કરી રહ્યાં છે. ગેસ્ટ લિસ્ટમાં યંગ સ્ટાર્સથી લઈને સિનિયર એક્ટર્સ સુધી દરેકનો સમાવેશ થાય છે.SS1MS
