COWE દ્વારા સ્વાભિમાન મેલા “નારી પ્રાઇડ & પાવર” 2024નું આયોજન
• સીડબીના સહયોગથી આ કાર્યક્રમનું આયોજન
અમદાવાદ, કોન્ફેડરેશન ઓફ વુમન આંત્રપ્રિન્યોર્સ ઓફ ઈન્ડિયા (COWE)ની શરૂઆત 22મી નવેમ્બર 2004ના રોજ થઇ હતી કે જે એક નોન- પ્રોફિટેબલ ઓર્ગેનાઇઝેશન છે. COWE મહિલા ઉદ્યોગસાહસિકોને આર્થિક અને રાજકીય ક્ષેત્રોમાં પ્રેરિત કરે છે, જોડાણને પ્રોત્સાહન આપે છે અને સમગ્ર ભારતમાં COWE પ્રવૃત્તિઓનો ફેલાવો કરે છે. તે 1000+ મેમ્બર્સ સાથે આંધ્રપ્રદેશ, દિલ્હી, કર્ણાટક, મહારાષ્ટ્ર,
રાજસ્થાન, તામિલનાડુ, તેલંગાણા, યુપી, ઉત્તરાખંડ અને પશ્ચિમ બંગાળમાં કામગીરી કરતી એક પાન ઈન્ડિયા સંસ્થા છે. હવે COWE દ્વારા સીડબીના સહયોગથી અમદાવાદમાં કર્ણાવતી ક્લબ ખાતે સ્વાભિમાન મેલા “નારી પ્રાઇડ & પાવર” 2024નું આયોજન કરવાં આવ્યું છે. આ ત્રણ દિવસની ઇવેન્ટનો હેતુ વિવિધ સ્ટેકહોલ્ડર્સને એકસાથે લાવવાનો, મહિલાઓને સશક્તિકરણ કરવાનો અને લિંગ સમાનતામાં યોગદાન આપતી પહેલો પ્રદર્શિત કરવાનો છે.
આ પ્રસંગે કોન્ફેડરેશન ઓફ વુમન આંત્રપ્રિન્યોર્સ ઓફ ઇન્ડિયાના પ્રેસિડેન્ટ મીના કાવિયા, જોઈન્ટ સેક્રેટરી મંજુશા કોઠારી, ટ્રેઝરર હિના શાહ, સેક્રેટરી વીના પારેખ, એક્ઝેક્યુટીવ કમિટી મેમ્બર હેતલ દેસાઈ તથા સેક્રેટરી સંતોષ શાહ ઉપસ્થિતરહ્યા હતા.
આ ઇવેન્ટમાં 100 જેટલાં સ્ટોલ્સ હશે જેમાં દરેક મહિલા એન્ત્રેપ્રિનિયોર્સ ફેશન, જ્વેલરી, ફૂડ, હેલ્થ & વેલનેસ, આર્ટ & ક્રાફટ, હોમ ડેકોર, ગૃહ ઉદ્યોગ અને અન્ય પ્રોડક્ટ્સ અને સર્વિસ ક્ષેત્રોમાં પોતાની કામગીરી દર્શાવશે. 3 દિવસ દરમિયાનના આ સ્વાભિમાન મેલામાં 5000-8000 જેટલાં લોકો વિઝીટ કરશે. વડાપ્રધાન નરેન્દ્ર મોદીના “આત્મનિર્ભર ભારત”ના વિઝનને સાર્થક કરતો આ કાર્યક્રમ મહિલા સશક્તિકરણના મુદ્દા પર ભાર મૂકે છે.
કોન્ફેડરેશન ઓફ વુમન આંત્રપ્રિન્યોર્સ ઓફ ઇન્ડિયાના પ્રેસિડેન્ટ મીના કાવિયા એ જણાવ્યું હતું કે, “અમે અમારા આ એક્ઝિબિશન માટે યોગ્ય સ્થળ સુરક્ષિત કરવાની શક્યતા શોધવા માટે પહોંચી રહ્યા છીએ. અમારું એક્ઝિબિશન વૈવિધ્યસભર પ્રેક્ષકોને આકર્ષવા માટે અપેક્ષિત છે, અને અમે સમુદાય પર હકારાત્મક અસર બનાવવા માટે પ્રતિબદ્ધ છીએ.”
COWE મહિલાઓને સંબંધિત તાલીમ, કાઉન્સેલિંગ અને હેન્ડહોલ્ડિંગ આપીને તેમના કૌશલ્યોને વધારવા અને જ્ઞાનની વહેંચણી અને હિમાયત દ્વારા સભ્યોને તેમની સેવાઓમાં સતત સુધારો કરીને ઉદ્યોગસાહસિકતા દ્વારા સશક્તિકરણ કરવાનો પ્રયાસ કરે છે. COWEનો ઉદ્દેશ્ય ઉભરતી મહિલા ઉદ્યોગસાહસિકોને ટેકો આપવાનો છે અને તેમને સત્તાના આર્થિક અને રાજકીય ક્ષેત્રોમાં સ્વતંત્ર બિઝનેસવુમન બનવા માટે પ્રેરિત કરવાનો છે.
