ITIમાં મહિલા તાલીમાર્થીઓને 2 વર્ષના અભ્યાસ માટે રૂ. ૨૪,૦૦૦/-ની આર્થિક સહાય અપાશે
અમદાવાદ જીલ્લાની તમામ ITI માં નવા સત્ર માટે ઓનલાઈન પ્રવેશ પ્રક્રિયાનો પ્રારંભ કરાયો
અમદાવાદ, રાજ્ય સરકારના રોજગાર અને તાલીમ વિભાગ હેઠળ કાર્યરત ઔદ્યોગિક તાલીમ સંસ્થા (આઈ.ટી.આઈ.) કુબેરનગર ખાતે વર્ષ ૨૦૨૬-૨૭ માટે તેમજ અમદાવાદ જિલ્લાની તમામ સરકારી અને ખાનગી આઈ. ટી. આઈ. સંસ્થાઓમાં વિવિધ NCVT/GCVT પેટર્નના વ્યવસાયોમાં પ્રવેશ માટે ઓનલાઈન પ્રવેશ પ્રક્રિયાનો પ્રથમ રાઉન્ડ શરૂ કરવામાં આવ્યો છે. પ્રવેશ ઇચ્છુક ઉમેદવારો માટે ઓનલાઈન નોંધણી, ફોર્મ ભરવાની તેમજ પસંદગી પ્રક્રિયા હાલમાં ચાલુ છે.
પ્રવેશ લેવા ઇચ્છુક ઉમેદવારોએ જરૂરી શૈક્ષણિક લાયકાતના પ્રમાણપત્રો સાથે સંસ્થામાં હાજર રહી ઓનલાઈન અરજી પક્રિયા પૂર્ણ કરવાની રહેશે. ઓનલાઈન નોંધણી ફી રૂ. ૫૦/- નક્કી કરવામાં આવી છે. ઉમેદવારોએ રજીસ્ટ્રેશન, દસ્તાવેજ અપલોડ, ચોઇસ ફિલિંગ તેમજ પ્રોવિઝનલ એડમિશન મહિતની તમ્મમ કાર્યવાહી નિર્ધારિત સમયમર્યાદામાં પૂર્ણ કરવાની રહેશે.
સંસ્થા ખાતે વિવિધ લોકોપયોગી અને રોજગારલક્ષી ટ્રેડોમાં તાલીમ આપવામાં આવે છે. જેમાં મિકેનિકલ સેક્ટરના ફીટર, ટર્નર મશીનિસ્ટ, ઇલેક્ટ્રિકલ સેક્ટરના ઇલેકિટ્રશિયન, વાયરમેન તેમજ એપેરલ સેકટર, સિવિલ સેકટર, કેમિકલ સેક્ટર, ફેબ્રિકેશન સેકટર અને પ્લાસ્ટિક પ્રોસેસિંગ જેમાં વિવિધ સેજગારલક્ષી વ્યવસાયિક ટ્રેડોનો સમાવેશ થાય છે. વિવિધ ટ્રેડોમાં ધોરણ ૮, ૯ અથવા ૧૦ પાસ તથા તેથી વધુ લાયકાત ધરાવતા ઉમેદવારો પ્રવેશ મેળવી શકશે.
પ્રવેશ પ્રક્રિયા સંપૂર્ણપણે ઓનલાઈન હોવાથી ઉમેદવારોને સાયબર કાફે અથવા અન્ય જગ્યાએ વધારાનો ખર્ચ ન કરવો પડે તે હેતુક્ષર તમામ સંસ્થા દ્વારા વિના મૂલ્યે માર્ગદર્શન અને સહાય ઉપલબ્ધ કરવામાં આવી છે.
વધુમાં અનામત વર્ગના ઉમેદવારોને સરકારના નિયમો મુજબ પ્રવેશમાં પ્રાથમિકતા તેમજ ફી રાહતનો લાભ મળશે વિવિધ યોજનાઓ હેઠળ અન્ય લાભી તેમજ ટાઈટીન્ડ અને સ્કોલરશીપની સુવિધા પણ ઉપલબ્ધ છે. ઉપરાંત ‘નમો કૌશલ્ય લક્ષ્મી યોજના હેઠળ મહિલા તાલીમાર્થીઓને ૧ વર્ષના અભ્યાસ માટે રૂ ૧૫,૦૦૦/- અને ૨ વર્ષના અભ્યાસ માટે રૂ. ૨૪,૦૦૦/-ની આર્થિક સહાય આપવામાં આવશે પ્રવેશ માટે જરૂરી દસ્તાવેજોમાં માર્કશીટ, આધારકાર્ડ, સ્કૂલ લીવિંગ સર્ટિફિકેટ, જાતિનો દાખલો, પાસપોર્ટ સાઇઝ ફોટોગ્રાફ તેમજ જરૂરી લાગુ પડતા
પ્રમાણપત્રોની સમાવેશ થાય છે. ઉમેદવારો નજીકની ઔદ્યોગિક તાલીમ સંસ્થા (આઈ.ટી.આઈ.) માં જઈ વિનામૂલ્યે ફોર્મ ભરી શકશે. વધુ માહિતી માટે ઉમેદવારોને સંસ્થાનો સંપર્ક કરવા અથવા રાજ્ય સરકારની સત્તાવાર વેબસાઈટ https:/itiadmission.gujarat.gov.in ની મુલાકાત લેવા વિનંતી કરવામાં આવે છે.
