પ્રભાસે ફિટનેસ ટ્રેનરને રેન્જ રોવર કાર ગિફ્ટમાં આપી
મુંબઈ: પ્રભાસની સોશિયલ મીડિયા પર કેટલીક તસવીરો વાઈરલ થઈ રહી છે. એક્ટરના ઘણા ફેન પેજ સોશિયલ મીડિયા પર રેન્જ રોવર સાથેની ફોટો શેર કરી રહ્યા છે.
આ ફોટોમાં પ્રભાસ કારની આગળ પોતાના જિમ ટ્રેનર લક્ષ્મણ રેડ્ડી સાથે પોઝ આપી રહ્યા છે. ગ્રે કલરની કાર હાલમાં જ લોન્ચ થઈ છે. કારનો ફ્રન્ટ લૂક રેન્જ રોવર ઈવોક જેવો લાગી રહ્યો છે. ભારતમાં આ કારની કિંમત અંદાજે ૫૮ લાખ રૂપિયાથી શરૂ થાય છે. જોકે પ્રભાસે ગિફ્ટ કરેલા મોડલની કિંમત જાણી શકાઈ નથી. કારની આગળ પ્રભાસ, લક્ષ્મણ અને તેમની પત્ની તથા બાળકો દેખાઈ રહ્યા છે. ફોટોમાં પ્રભાસની દાઢી વધેલી પણ દેખાય છે. સોશિયલ મીડિયા પર પ્રભાસના ફેન્સ તેની ખૂબ પ્રશંસા કરી રહ્યા છે.
પ્રભાસના વર્ક ફ્રન્ટની વાત કરીએ તો હવે તે ‘તાન્હાજી ધ અનસંગ વોરિયર’ના ડાયરેક્ટર ઓમ રાઉતની ફિલ્મ આદિપુરુષમાં જોવા મળશે. રિપોર્ટ્સ મુજબ, આ ફિલ્મ રામાયણ પર આધારિત હશે. આદિપુરુષમાં પ્રભાસ ભગવાન શ્રી રામના પાત્રમાં જોવા મળશે. જ્યારે સૈફ અલી ખાન રાવણના પાત્રમાં હશે. મીડિયા રિપોર્ટ્સ મુજબ, સીતાનું પાત્ર કિઆરા આડવાણી ભજવી શકે છે. આ ફિલ્મ ૨૦૨૨માં રિલીઝ થશે.
