ટી-૨૦માં એક બોલર્સને પાંચ ઓવરનો નિયમ લાવવા સુચન
નવી દિલ્હી, ઓસ્ટ્રેલિયા ટીમના પૂર્વ સ્પિનર શેન વોર્ને ટી ૨૦ આંતરરાષ્ટ્રીય ક્રિકેટ અને ટી ૨૦ ક્રિકેટ માટે એક નવું સૂચન આપ્યું છે. કાંગારૂ દિગ્ગજે કહ્યું છે કે ટી ૨૦ મેચમાં કોઈ બોલરને ઓછામાં ઓછી ૫ ઓવર ફેંકવાનો નિયમ લાગુ થવો જોઈએ. શેન વોર્ને કહ્યું છે કે ટી ૨૦ આંતરરાષ્ટ્રીય ક્રિકેટમાં તેનો અમલ થાય તે પહેલાં તેને ઇન્ડિયન પ્રીમિયર લીગ (આઈપીએલ) માં અપનાવવો જોઇએ. આ માટે તેમણે બીસીસીઆઈના ભારતીય ક્રિકેટ બોર્ડના અધ્યક્ષ સૌરવ ગાંગુલી પાસે માગ કરી છે. હકીકતમાં, ટેસ્ટ ક્રિકેટમાં ૭૦૦ થી વધુ વિકેટ લેનાર ઓસ્ટ્રેલિયાના એકમાત્ર બોલર શેન વોર્ને તાજેતરમાં જ, બીસીસીઆઈના બોસ સૌરવ ગાંગુલી અને આઈસીસીના ટિ્વટર હેન્ડલને ટેગ કરતા એક ટિ્વટ કર્યું જેમાં તેણે લખ્યું કે, “મારા સૂચન પર ઘણા બધા જવાબો આપવામાં આવી રહ્યા છે, ટી ૨૦ ક્રિકેટમાં, દરેક બોલર માટે વધુમાં વધુ ૫ ઓવર મળે તે નિયમ હોવો જોઈએ! ચાલો જલ્દીથી તેને અપનાવી લઈએ! કદાચ આપણે ૧૯ સપ્ટેમ્બરથી શરૂ થનારી આઈપીએલની શરૂઆત કરી શકીએ. ” આ ટિ્વટમાં વોર્ને આઈસીસી, આઈપીએલ અને સૌરવ ગાંગુલીને ટેગ કર્યા છે.
હમણાં, ટી -૨૦ આંતરરાષ્ટ્રીય ક્રિકેટમાં તેમજ ટી ૨૦ લીગ ક્રિકેટમાં, એક ખેલાડીને ૪ ઓવરથી વધુ કરવાની છૂટ નથી. જોકે વોર્ન ઈચ્છે છે કે ટી -૨૦ ક્રિકેટમાં કોઈ બોલરને પાંચ ઓવર માટે મંજૂરી આપવામાં આવે. ઘણા ચાહકો વોર્નના આ વિચારને સમર્થન આપી રહ્યા છે, જ્યારે કેટલાક લોકો તેની વિરુદ્ધ પણ છે. તેના સમર્થનમાં, એક પ્રશંસકે ટિપ્પણી કરી છે કે આ બોલ અને બેટની રમતને સંતુલિત કરશે.
૬ બેટ્સમેન વિકેટકીપર અને ૪ બોલરો રમશે અને જે બોલર સારી બોલિંગ કરશે તે બેટિંગ ટીમને દબાણમાં લાવશે. તે જ સમયે, જેઓ આ નિયમની વિરુદ્ધ છે તે કહે છે કે ઓલરાઉન્ડરોનું શું થશે, જે દરેક ટીમમાં ઓછામાં ઓછો એક રમે જ છે, જેમને તેમની ક્વોટા ઓવર મળે છે તથા સાથો સાથે વખત આવ્યે બેટિંગ કરવામાં સક્ષમ હોય છે.SSS
