દેશભરમાં કોરોનાગ્રસ્ત દર્દીના ઘરની બહાર સ્ટીકર નહિં લગાડાયઃ સુપ્રીમ
નવી દિલ્હી, દેશભરમાં કોરોના વાયરસને કાબુમાં લેવા તથા સાવચેતીના ભાગરૂપે કોરોનાગ્રસ્ત દર્દીઓના ઘરની બહાર સ્ટીકર સ્થાનિક તંત્ર દ્વારા લગાવાતા હતા. પરંતુ આ સ્ટીકરોના કારણે સામાજીક વ્યવસ્થા પર તેની અસર પડતી હોવાથી સુપ્રીમ કોર્ટમાં રીટ થઈ હતી. સુપ્રીમ કોર્ટે આજે સવારે કેન્દ્રની ગાઈડલાઈનમાં આ બાબતનો ઉલ્લેખ નહીં હોવાનું જણાવી હવે પછી કોઈ પણ ઘરની બહાર કોરોનાના સ્ટીકર લગાવવા પર મનાઈ ફરમાવી છે.
