ટીવી અભિનેત્રી શ્રુતિ શેઠની તબિયત અચાનક બગડી
મુંબઈ: શરારત, દેશ મેં નિકલા હોગા ચાંદ’, ‘ક્યું હોતા હે પ્યાર’ અને ‘કોમેડી સર્કસ’ જેવા ઘણાં ટીવી શૉ અને ફિલ્મોનો ભાગ રહી ચૂકેલી એક્ટ્રેસ શ્રુતિ શેઠની તબિયત અચાનક બગડી ગઈ હતી, જેના કારણે તેની ઈમરજન્સી સર્જરી કરાવવી પડી છે. એક્ટ્રેસ શ્રુતિ શેઠે સોશિયલ મીડિયા પોસ્ટથી આ વાતની જાણકારી આપી છે.
તેણે પોતાના ઈન્સ્ટાગ્રામ હેન્ડલ પર પોતાનો એક ફોટોગ્રાફ શેર કરતા એક લાંબી નોટ પણ લખી છે. પરંતુ, હજુ સુધી એ વાતની જાણકારી નથી મળી કે કયા કારણસર એક્ટ્રેસ શ્રુતિ શેઠની ઈમરજન્સી સર્જરી કરવામાં આવી છે.
આખરે એક્ટ્રેસ શ્રુતિ શેઠને કઈ સમસ્યા હતી? અને શ્રુતિ શેઠે પણ આ વાતની કોઈ જાણકારી આપી નથી. સોશિયલ મીડિયા પર એક્ટ્રેસ શ્રુતિ શેઠે જણાવ્યું કે આખરે ૨૦૨૦ મને અને મારા પરિવારને છેલ્લો આંચકો આપવામાં સફળ રહ્યું. મારી એક ઈમરજન્સી સર્જરી થઈ છે. મારા તમામ ક્રિસમસ પ્લાન અને નવા વર્ષે ક્યાંક જવાના તમામ પ્લાન રોકાઈ ગયા છે અને હું બહુ મોટી હેલ્થ સમસ્યામાંથી બચી ગઈ છું.
હું ખુશ છું કે આ બધું સારા સમયમાં થયું અને મારી સાથે અત્યારે જે થયું છે તે વર્ષ ૨૦૨૦ની છેલ્લી ગિફ્ટ હતી. હું તમને બધાને પણ નવા વર્ષનો પ્રેમ અને પોઝિટિવિટી મોકલી રહી છું. અહીં ઉલ્લેખનીય છે કે એક્ટ્રેસ શ્રુતિ શેઠ જે ફિલ્મોમાં જાેવા મળી છે તેમાં ‘ફના’, ‘રાજનીતિ’, ‘આગે સે રાઈટ’ અને ‘માય ફ્રેન્ડ પિન્ટો’ વગેરેનો સમાવેશ થાય છે.
