વર્લ્ડ ટેસ્ટ ક્રિકેટની ભારત સામેની ફાઈનલમાં ઓસી.નો હાથ ઊપર રહેશેઃ બ્રેટ લી

નવી દિલ્હી, ભારત અને ઓસ્ટ્રેલિયાની ટીમ ડબલ્યુટીસી ફાઇનલમાં પહોંચી ગઈ છે. હવે જૂનમાં બંને ટીમો લંડનના કેનિંગ્ટન ઓવલના મેદાન પર એકબીજા સામે ટકરાશે. તે જ સમયે, હવે ઓસ્ટ્રેલિયાના પૂર્વ ઝડપી બોલર બ્રેટ લીએ ડબલ્યુટીસી ફાઇનલ વિશે ભવિષ્યવાણી કરી છે.

બ્રેટ લીએ ભવિષ્યવાણી કરતાં કહ્યું કે, ભલે ભારતે ઓસ્ટ્રેલિયાને ટેસ્ટ સિરીઝમાં હરાવ્યું હોય, પરંતુ ફાઈનલ ઈંગ્લેન્ડમાં જ રમવી પડે છે. આવી સ્થિતિમાં ઓસ્ટ્રેલિયન ટીમ માટે ચોક્કસપણે ફાઈનલ જીતવાની તક હશે. લીએ કહ્યું કે, ઓસ્ટ્રેલિયન ટીમનો ત્યાં ઉપર હાથ રહેશે. આ સિવાય બ્રેટ લીએ એમ પણ કહ્યું કે, ભારત એક સારી ટીમ છે પરંતુ ઈંગ્લેન્ડનું ઓવલ (કેનિંગ્ટન ઓવલ, લંડન)નું મેદાન એકદમ અલગ હશે. ભારતે ભલે ઓસ્ટ્રેલિયાને ઘરઆંગણે હરાવ્યું હોય પરંતુ ઓવલનું વાતાવરણ અલગ હશે.

આ સિવાય બ્રેટ લીએ ભારતીય ઝડપી બોલર ઉમરાન મલિક વિશે પણ વાત કરતા કહ્યું કે, ટેસ્ટમાં પણ ઉમરાનને અજમાવવાનો સમય આવી ગયો છે. ટેસ્ટ રમવાથી તેને અનુભવ મળશે જેનાથી તેની કારકિર્દીને ફાયદો થશે.ભારતે લંડનના કેનિંગ્ટન ઓવલમાં અત્યાર સુધીમાં ૧૪ ટેસ્ટ મેચ રમી છે, જેમાં તે માત્ર ૨ ટેસ્ટ મેચ જીતવામાં સફળ રહ્યું છે. ભારતે ૨૦૨૧માં અહીં છેલ્લી ટેસ્ટ મેચ જીતી હતી, જ્યારે ભારતે આ મેદાન પર ઈંગ્લેન્ડને ૧૫૭ રનથી હરાવ્યું હતું. SS2.PG