રાજેએ મોદી સાથે રાજસ્થાન સાથે જોડાયેલા રાજકીય અને વિકાસના મુદ્દાઓ પર ચર્ચા કરી
નવીદિલ્હી, રાજસ્થાનના પૂર્વ મુખ્યમંત્રી વસુંધરા રાજેએ વડાપ્રધાન નરેન્દ્ર મોદી સાથે મુલાકાત કરી હતી. આ મુલાકાત દરમિયાન તેમણે અનેક મુદ્દાઓ પર વાત કરી. રાજેએ પીએમને મળ્યા બાદ દિલ્હીમાં ભાજપના તમામ વરિષ્ઠ નેતાઓ સાથે બેઠક કરી છે.
પૂર્વ મુખ્યમંત્રી અને રાજસ્થાન ભાજપના નેતા વસુંધરા રાજે ગુરુવારે સંસદ ભવનમાં વડાપ્રધાન નરેન્દ્ર મોદીને મળ્યા હતા. બંને નેતાઓ વચ્ચે ચેમ્બરમાં અડધા કલાકથી વધુ સમય સુધી ચર્ચા ચાલી હતી.
અચાનક વસુંધરા રાજેના સક્રિય થવા અને દિલ્હીમાં મોટા નેતાઓને મળવા પાછળ અનેક રાજકીય અર્થ કાઢવામાં આવી રહ્યા છે. ખાસ કરીને વડાપ્રધાન સાથેની મુલાકાતને લઈને રાજકીય ગલિયારામાં ચર્ચા ચાલી રહી છે. જણાવવામાં આવી રહ્યું છે કે વસુંધરા રાજેએ પીએમ મોદી સાથે રાજસ્થાન સાથે જાેડાયેલા રાજકીય અને વિકાસના મુદ્દાઓ પર ચર્ચા કરી છે. આ સાથે જ રાજ્યમાં આવતા વર્ષે યોજાનારી વિધાનસભાની ચૂંટણી પહેલા આ બેઠકને ખૂબ જ મહત્વપૂર્ણ માનવામાં આવી રહી છે.
બીજી તરફ વસુંધરા રાજેએ વડાપ્રધાન નરેન્દ્ર મોદી સાથેની મુલાકાતને સૌજન્ય મુલાકાત ગણાવી છે. આ બેઠક અંગે તેમનું નિવેદન હજુ સુધી બહાર આવ્યું નથી. પરંતુ રાજકીય વર્તુળોમાં એવી ચર્ચા છે કે રાજેને કોઈ નવી જવાબદારી મળવા જઈ રહી છે, જેને પણ તેની સાથે જાેડવામાં આવી રહી છે. તેમના નજીકના લોકોનું કહેવું છે કે રાજેએ રાજસ્થાન સાથે જાેડાયેલા રાજકીય અને વિકાસના મુદ્દાઓ પર ચર્ચા કરી છે.
સૂત્રોના જણાવ્યા અનુસાર શુક્રવારે પીએમ મોદી રાજસ્થાનના ૨૫ સાંસદો સાથે નાસ્તો કરવા અને ચા પર ચર્ચા કરવાના છે. પરંતુ સાંસદો સાથેની મુલાકાત પહેલા વસુંધરા રાજે સાથેની મુલાકાત ખૂબ જ ખાસ માનવામાં આવે છે. તે જ સમયે, એવું પણ કહેવામાં આવી રહ્યું છે કે ૪ રાજ્યોમાં તાજેતરની ચૂંટણીમાં જીત બાદ પીએમનું ધ્યાન આગામી ચૂંટણી પર છે. જેમાં ખાસ કરીને રાજસ્થાન, ગુજરાત, મધ્યપ્રદેશ અને હિમાચલનો સમાવેશ થાય છે.HS
