અભિનેત્રી શિલ્પા શેટ્ટીનું કાર્તિક આર્યન પર દિલ આવ્યું
મુંબઈ, શિલ્પા શેટ્ટીએ ઘણા વર્ષ બાદ ફિલ્મી પડદાં પર કમબેક કર્યું છે.
અભિમન્યુ દાસાની અને શર્લી સેટિયા સાથેની તેની ફિલ્મ ‘નિકમ્મા ૧૭ જૂને થિયેટરમાં રિલીઝ થઈ ગઈ છે. ૯૦ના દશકાની સફળ એક્ટ્રેસિસમાંથી એક શિલ્પા શેટ્ટીના આજે પણ લાખો ફેન્સ છે.
પરંતુ તે કોની પાછળ ફિદા છે તેનો ખુલાસો હાલમાં એક ઈન્ટરવ્યૂમાં તેણે કર્યો હતો. ઝૂમ ટીવ સાથે વાતચીત કરતાં, શિલ્પા શેટ્ટી રેપિડ ફાયર રાઉન્ડ રમી હતી,
જ્યાં તેણે તેના વિશે કેટલાક રસપ્રદ ખુલાસા કર્યા હતા. ફન ગેમ દરમિયાન તેને હાલ બોલિવુડના કયા એક્ટર પર ક્રશ છે તેવો સવાલ કર્યો હતો.
થોડીવાર વિચાર કર્યા બાદ તેણે કાર્તિક આર્યનનું નામ લીધું હતું. નિકમ્મા’ રિલીઝ થઈ તેના થોડા દિવસ પહેલા આપેલા એક ઈન્ટરવ્યૂમાં શિલ્પા શેટ્ટીએ આ ફિલ્મમાં કામ કરવા પાછળનું કારણ જણાવ્યું હતું. તેણે કહ્યું હતું કે ‘તે ભાભી અને દિયરની કહાણી છે.
બોલિવુડમાં ભાભી-દિયરની કહાણી પરથી ઓછી ફિલ્મો બને છે. આ ફિલ્મ કરવા પાછળના કારણોમાંથી આ એક છે.
આ એવો સંબંધ છે જેને સૂરજ બડજાત્યાની ફિલ્મ સિવાય ક્યારેય દેખાડવામાં આવ્યો નથી. આશરે ૧૩ વર્ષ બાદ શિલ્પા શેટ્ટીએ પ્રિયદર્શનની ફિલ્મ ‘હંગામા ૨’થી કમબેક કર્યું હતું.
જાે કે, કોરોના મહામારીના કારણે તે ઓટીટી પ્લેટફોર્મ પર રિલીઝ થઈ હતી. આ ફિલ્મમાં તેની સાથે મીઝાન જાફરી, પરેશ રાવલ અને પ્રણીતા સુભાષ પણ લીડ રોલમાં હતા. એક ઈન્ટરવ્યૂમાં એક્ટ્રેસે ખુલાસો કર્યો હતો કે, હંગામા ૨ નહીં પરંતુ નિકમ્મા તેની કમબેક ફિલ્મ હતી.
પરંતુ નિકમ્મા ફિલ્મ અટવાઈ પડી હતી અને તેથી તેણે હંગામા ૨ માટે ‘હા’ પાડી હતી. ફિલ્મો અને ટીવી રિયાલિટી શોમાં કામ કર્યા બાદ શિલ્પા શેટ્ટી વેબ સીરિઝમાં ડેબ્યૂ કરવાની છે. તે રોહિત શેટ્ટીની ‘ઈન્ડિયન પોલીસ ફોર્મ’માં કામ કરી રહી છે.
જેમાં સિદ્ધાર્થ મલ્હોત્રા લીડ રોલમાં છે, આ સિવાય વિવેક ઓબેરોયને પણ કાસ્ટ કરવામાં આવ્યો છે. કાર્તિક આર્યનની વાત કરીએ તો, હાલ તે ફિલ્મ ‘ભૂલ ભૂલૈયા ૨’ની સફળતાને એન્જાેય કરી રહ્યો છે.
૨૭ દિવસમાં ફિલ્મે આશરે ૧૭૧ કરોડ રૂપિયાની કમાણી કરી છે. ‘ભૂલ ભૂલૈયા ૨’માં તેની સાથે કિયારા અડવાણી અને તબુ પણ હતા.SS1MS
