ઈરાન પર હુમલાના કારણે એર ઈન્ડિયાની ફ્લાઈટ તેલ અવીવથી દિલ્હી પરત ફરી
નવી દિલ્હી, ૨૮ ફેબ્રુઆરી ઈઝરાયેલ દ્વારા ઈરાન પર કરવામાં આવેલા ‘નિવારાત્મક’ (preventive) હુમલા બાદ શનિવારે એર ઈન્ડિયાની દિલ્હી-તેલ અવીવ ફ્લાઈટ રાષ્ટ્રીય રાજધાની પરત ફરી હતી. આ હુમલાને કારણે મધ્ય પૂર્વના કેટલાક ભાગોમાં એરસ્પેસ બંધ કરી દેવામાં આવી છે, જેનાથી અનેક આંતરરાષ્ટ્રીય સેવાઓ ખોરવાઈ ગઈ છે. Tel Aviv airport after Israel-US conducted joint strikes on Iran.almost all the flight cancelled.
ઈઝરાયેલના સંરક્ષણ મંત્રીએ પુષ્ટિ કરી છે કે દેશએ ઈરાન પર હુમલો કર્યો છે. ઈરાનની રાજધાની તેહરાનમાં જોરદાર વિસ્ફોટો થયા હોવાના અહેવાલ છે. સ્થાનિક મીડિયા અનુસાર, યુનિવર્સિટી સ્ટ્રીટ અને જૌમહૂરી જિલ્લાના વિસ્તારોમાં અનેક મિસાઇલો ત્રાટકી છે. મહત્વની સરકારી ઈમારતો ધરાવતા પાશ્ચર સ્ટ્રીટ પાસે ઘટ્ટ ધુમાડો નીકળતો જોવા મળ્યો હતો, જોકે નુકસાન કે જાનહાનિની વિગતો હજુ જાણી શકાઈ નથી.
-
IndiGo: એરલાઇને એડવાઇઝરી જારી કરતા જણાવ્યું કે તેઓ પરિસ્થિતિ પર નજીકથી નજર રાખી રહ્યા છે. ગ્રાહકો અને ક્રૂની સુરક્ષા તેમની સર્વોચ્ચ પ્રાથમિકતા છે.
-
ફ્લાઈટ ડાયવર્ઝન: પ્રતિબંધિત ઝોનને ટાળવા માટે અનેક ફ્લાઈટ્સના રૂટ બદલવામાં આવ્યા છે. શારજાહથી મોસ્કો જતી ફ્લાઈટને પાકિસ્તાન પરથી ડાયવર્ટ કરવામાં આવી છે, જ્યારે દુબઈથી સાન ફ્રાન્સિસ્કો જતી ફ્લાઈટ અફઘાનિસ્તાન અને પાકિસ્તાન પરથી ઉડાન ભરી રહી છે. શિકાગોથી દિલ્હી આવતી એર ઈન્ડિયાની ફ્લાઈટ (AI126) સીરિયા પરથી ઉડી રહી હતી.
ઈઝરાયેલમાં હાઈ-એલર્ટ:
ઈઝરાયેલ ડિફેન્સ ફોર્સિસ (IDF) એ સોશિયલ મીડિયા પ્લેટફોર્મ X પર જણાવ્યું કે સમગ્ર દેશમાં એર રેડ સાયરન વગાડવામાં આવ્યા છે અને નાગરિકોને સુરક્ષિત સ્થળોની નજીક રહેવાની સૂચના આપવામાં આવી છે. સુરક્ષાના પગલા રૂપે ઈઝરાયેલમાં શાળાઓ બંધ રાખવા આદેશ અપાયો છે, નાગરિકોને ઘરેથી કામ કરવાની સલાહ આપવામાં આવી છે અને જાહેર મેળાવડા પર પ્રતિબંધ મૂકવામાં આવ્યો છે.
આ ઘટનાક્રમ એવા સમયે આવ્યો છે જ્યારે પરમાણુ કરારને લઈને અમેરિકા અને ઈરાન વચ્ચે તણાવ વધી રહ્યો છે. અમેરિકી રાષ્ટ્રપતિ ડોનાલ્ડ ટ્રમ્પે તાજેતરમાં ઈરાનને “ખૂબ જ મુશ્કેલ” અને “ખૂબ જ જોખમી” ગણાવ્યું હતું. ગુરુવારે જિનીવા ખાતે ઈરાની અને યુએસ અધિકારીઓ વચ્ચે ત્રીજા રાઉન્ડની વાતચીત થઈ હતી અને શનિવારે બીજો રાઉન્ડ નિર્ધારિત હતો.
