લક્ઝરી બસની આરપાર નીકળી ગેસ પાઈપલાઈન, 4 માસના બાળકની માતાનું માથું થયું ધડથી અલગ
પાલીઃ રાજસ્થાનના પાલીમાં રોડની કિનારે ગેસ પાઈપલાઈન પાથરવાનું કામ ચાલી રહ્યું હતું. હાઈડ્રા મશીનથી પાઈપ ઉઠાવીને ખાડામાં નાંખવાનું કામ ચાલી રહ્યું હતું. ત્યારે જ મશીનનું બેલેન્સ બગડ્યું હતું. જેના કારણે રોડ ઉપર જઈ રહેલી બસની અંદર પાઈપ ઘૂસી ગઈ હતી. ઘટનામાં બે લોકોના કમકમાટી ભર્યા મોત નીપજ્યા હતા. અને અનેક લોકો ઘાયલ થયા હતા. ઘટનાના પગલે બસમાં મુસાફરોના જીવ અધ્ધર થઈ ગયા હતા.
આ ઘટના પાલી જિલ્લામાં સુમેરપુર સાંડેરાવ પાસે નેશનલ હાઈવે 162 ઉપર બની હતી. જ્યાં મારવાડા જંક્શનથી પુણે જઈ રહેલી ખાનગી બસને આ અકસ્માત નડ્યો હતો. અહીં રસ્તાની બાજુમાં ગેસ કંપની ગેસની પાઈપલાઈન પાથરવાનું કામ લાંબા સમયથી કરી રહી હતી.
મંગળવારે હાઈડ્રા મશીનથી પાઈપને ઉઠાવીને ખોદેલા ખાડામાં મૂકવાનું કામ ચાલી રહ્યું હતું. ત્યારે હાઈડ્રા મશીનનું બેલેન્સ બગડ્યું હતું. જેનાથી રોડ ઉપર જઈ રહેલી ખાનગી લક્ઝરી બસમાં પાઈપ ઘૂસી ગઈ હતી. ગેસ પાઈપ એક બાજુથી ઘૂસીને બીજી બાજુમાં બહાર નીકળી હતી.
અચાનક પાઈપનો ભાગ અંદર ઘૂસીને બસનો બે તરફ બારીવાળી ભાગ તોડીને બીજી તરફ બહાર નીકળ્યો હતો. ખાનગી બસ સંપૂર્ણ સ્લીપર કોચ હતી. બસની અંદર ઊંઘતા લોકોને કંઈ જ સમજમાં આવ્યું નહીં કે શું થઈ રહ્યું છે. કેટલાક લોકો બેઠા હતા અને પાઈપની અડફેટે આવી ગયા હતા. આ ઘટનામાં બે લોકોના કરુણ મોત નીપજ્યા હતા.
લોકો ગભરાઈને બૂમ બરાડા પાડવા લાગ્યા અને બસમાં અફરા તરફી મચી ગઈ હતી. રોડ ઉપર જઈ રહેલા લોકોએ ગાડીઓ રોકીને બસમાં ઘાયલોને બહાર કાઢ્યા હતા. એક મહિલાનું માથું કપાઈને ધડથી અલગ થઈ ગયું હતું. જેને શોધવા માટે ખૂબજ મહેનત કરવી પડી હતી. નૈના દેવી સાથે 4 મહિનાનું બાળક હતું જેના રડી રડીને હાલક ખરાબ થઈ હતી.
ગાડીમાં પેસેન્જરો પોતાનો સામાન શોધતા દેખાયા હતા. જ્યારે કેટલાક લોકો ખાનગી વાહનમાં પોતાના ઘરે જતા રહ્યા હતા. ઘાયલોને સાંડેરાવ હોસ્પિટલમાં દાખલ કરવામાં આવ્યા હતા. જેમાં મોટાભાગના બાળકો છે. બે ડઝનથી વધારે લોકો ઘાયલ થયા છે. જે વધારે ઘાયલ હતા તેમને બાંગડ હોસ્પિટલ મોકલવામાં આવ્યા હતા.
મૃતક મૈના દેવી દેવાસી અને ભવરલાલ પ્રજાપતિ જેઓ ઈટાલીના રહેનારા હતા. સાંડેરાવ પોલીસ સ્ટેશનના અધિકારી ઢોલા રામ પરિહાર પોલીસની ટીમ સાથે ઘટના સ્થળે પહોંચ્યા હતા. સ્થિતિ સંભાળી હતી.
