ડભોઈમાં ૧૯ વર્ષની યુવતીનો હત્યા કરાયેલો મૃતદેહ મળ્યો
Files Photo
વડોદરા, વડોદરામાં તૃષા સોલંકી નામની યુવતીની હત્યા બાદ હવે વધુ એક યુવતીની હત્યાથી સનસનાટી મચી ગઈ છે. પ્રાપ્ત માહિતી અનુસાર ડભોઇ તાલુકાના તાલુકાના મંડાળા ગામની સીમમાં ૧૯ વર્ષીય યુવતીનો હત્યા કરેલી હાલતમાં મૃતદેહ મળી આવતા પોલીસ કાફલો ઘટનાસ્થળે દોડી ગયો હતો.
પ્રાથમિક તપાસ અનુસાર અજાણ્યા શખસે દુપટ્ટાથી ટૂંપો આપી યુવતીને મોતને ઘાટ ઉતારી હોવાનું સામે આવ્યું છે. સમગ્ર મામલે યુવતીનું પેનલ ડોક્ટર દ્વારા પોસ્ટમોર્ટમ કરાવવા સાથે ડોગસ્વોડની મદદથી અજાણ્યા શખસોની શોધખોળ હાથ ધરી છે.
પોલીસ સૂત્રો પાસેથી પ્રાપ્ત માહિતી અનુસાર ડભોઈ તાલુકાના મંડાળા ગામમાં રહેતી ૧૯ વર્ષીય યુવતીનો મૃતદેહ શુક્રવારે સાંજે ગામના રહેવાસી ખેતરના શેઢા ઉપરથી મળી આવ્યો હતો. પોલીસમાં નોંધાયેલી ફરિયાદ અનુસાર યુવતી ૨૪ માર્ચના રોજ બપોરના સમયે કુદરતી હાજતે જવા માટે નિકળી હતી. પરંતુ મોડી રાત સુધી પરત ન ફરતા પરિવારે શોધખોળ શરૂ કરી હતી. દરમિયાન ખેતરમાંથી તેનો મૃતદેહ મળી આવ્યો હતો.
પરિવારે જાણ કરતાં પોલીસ કાફલો ઘટનાસ્થળે દોડી ગયો હતો અને પ્રાથમિક તપાસમાં યુવતીને કોઇ અજાણ્યા શખ્સોએ દુપટ્ટાથી ગળે ટૂંપો આપી મોતને ઘાટ ઉતારી લાશ ફેંકી દીધી હોવાનું બહાર આવ્યું હતું. બનાવને પગલે આખા ગામમાં ચકચાર મચી જવા પામી છે. ઉલ્લેખનીય છે કે, વડોદરામાં તૃષા સોલંકીની પ્રેમ પ્રમકરણમા થયેલી હત્યા બાદ વધુ એક યુવતીની હત્યા થતાં પોલીસ દ્વારા સઘન તપાસ શરૂ કરવામાં આવી છે.
સમગ્ર મામલે પોલીસનું કહેવું છે કે, હત્યા પહેલાં તેના ઉપર હત્યારાઓએ દુષ્કર્મ આચર્યું છે કે નહીં, તે સહિત અન્ય હકીકત જાણવા ડભોઇ સરકારી હોસ્પિટલમાં યુવતીના મૃતદેહનું પેનલ ડોક્ટર દ્વારા પોસ્ટમોર્ટમ કરવાની કામગીરી હાથ ધરવામાં આવી છે. આ ઉપરાંત એફએસએલ અને ડોગસ્વોડની મદદ લઈ તપાસ શરૂ કરવામાં આવી છે. તેમજ મૃતક યુવતી સાથે સંબધો ધરાવતા લોકોની પણ પૂછપરછ કરવામાં આવી રહી છે.SSS
