રામ મંદિરના ઉદ્ઘાટનને કારણે આસામ સરકારે ૨૨ જાન્યુઆરીને ડ્રાય ડે જાહેર કરવામાં આવ્યો
૨૨ જાન્યુઆરીએ દારૂનું વેચાણ નહીં થાય
અયોધ્યામાં આયોજિત સમારોહમાં મોદી, એનડીએ શાસિત રાજ્યોના ઘણા મુખ્યમંત્રીઓ અને ૬૦૦૦થી વધુ લોકો આવવાની આશા છે
નવી દિલ્હી, ૨૨ જાન્યુઆરીએ અયોધ્યામાં રામ મંદિરના ઉદ્ઘાટનને લઈને સમગ્ર દેશમાં એક અલગ પ્રકારનો માહોલ જોવા મળી રહ્યો છે. તમામ તૈયારીઓ કરવામાં આવી રહી છે. આ સંદર્ભમાં આસામ સરકારે મોટો નિર્ણય લીધો છે. અહીં સરકારે ૨૨ જાન્યુઆરીને ડ્રાય ડે તરીકે જાહેર કર્યો છે. એટલે કે આ દિવસે રાજ્યમાં દારૂની દુકાનો બંધ રહેશે અને દારૂના વેચાણ પર પ્રતિબંધ રહેશે. આસામના એક મંત્રીએ આ જાણકારી આપી છે.
પર્યટન મંત્રી જયંત મલ્લ બરુઆએ જણાવ્યું હતું કે, “મુખ્યમંત્રી હિમંતા બિસ્વા સરમાની અધ્યક્ષતામાં મળેલી કેબિનેટની બેઠકમાં નિર્ણય લેવામાં આવ્યો છે કે રામ મંદિર ઉદ્ઘાટન પ્રસંગે રાજ્યમાં ડ્રાય ડે રહેશે. તમને જણાવી દઈએ કે અયોધ્યામાં આયોજિત આ સમારોહમાં પીએમ નરેન્દ્ર મોદી, એનડીએ શાસિત રાજ્યોના ઘણા મુખ્યમંત્રીઓ અને ૬૦૦૦ થી વધુ લોકો આવવાની આશા છે. જ્યારે સરકાર કોઈપણ ખાસ તહેવાર કે વિશેષ પ્રસંગે સમગ્ર રાજ્યમાં દારૂના વેચાણ પર પ્રતિબંધ મૂકે છે ત્યારે તે દિવસને ડ્રાય ડે કહેવામાં આવે છે.
ડ્રાય ડે પર દારૂના વેચાણ પર સંપૂર્ણ પ્રતિબંધ છે. આ નિયમનો ભંગ કરનાર દુકાનદાર સામે કાયદેસરની કાર્યવાહી કરવામાં આવે છે. ૧૯૬૨માં પંજાબના આબકારી કાયદામાં સૌપ્રથમ ડ્રાય ડેનો ઉલ્લેખ કરવામાં આવ્યો હતો. બાદમાં, કેન્દ્ર સરકારે ૧૯૫૦ માં તેને સમગ્ર ભારતમાં લાગુ કર્યું. જયંત મલ્લ બરુઆએ જણાવ્યું હતું કે, આ બેઠકમાં કેબિનેટે મિસિંગ, રાભા હાસોંગ અને તિવા સમુદાયોની નાણાકીય અને વહીવટી શક્તિઓને વધારવા માટે ત્રણ વિકાસ પરિષદોની રચના કરવાનો પણ નિર્ણય લીધો છે.
“આ કાઉન્સિલ માટે મહત્તમ ભંડોળ મેળવવા માટે કેન્દ્રને દરખાસ્ત મોકલવામાં આવશે. જયંત મલ્લ બરુઆએ માહિતી આપી હતી કે “આ ઉપરાંત, આ બેઠકમાં સરકારે સ્વ-સહાય જૂથો હેઠળ નોંધાયેલ મહિલાઓ માટે હાલની યોજના હેઠળ નાણાકીય પેકેજને મંજૂરી આપવાનો પણ નિર્ણય કર્યો છે.
આ સાહસિક મહિલાઓને તેમના સાહસ માટે મદદરૂપ થશે. રાજ્યની લગભગ ૪૯ લાખ મહિલાઓ આ યોજના હેઠળ લાભ મેળવી શકે છે. તેમણે કહ્યું, કેબિનેટે ૪ લાખ રૂપિયાથી ઓછી વાર્ષિક આવક ધરાવતા સરકારી કર્મચારીઓ અને પેન્શનરોને સામેલ કરવા માટે નેશનલ ફૂડ સિક્યુરિટી એક્ટના કવરેજને વિસ્તારવાનો નિર્ણય લીધો છે. એટલું જ નહીં, આ લોકોને આયુષ્માન ભારત યોજના હેઠળ ૫ લાખ રૂપિયાનો સ્વાસ્થ્ય વીમો પણ મળશે. અગાઉ આ લોકો આ માટે લાયક નહોતા કારણ કે તેઓ સરકારી કર્મચારી હતા.ss1
