જીતના જશ્નમાં અર્જેન્ટિનાએ વિવાદીત બેનર બતાવતા હોબાળો

જીતનો જશ્ન પડશે ભારે!

ફોકલેન્ડ આઇલેન્ડ્‌સને લઈને અમેરિકા અને બ્રિટન વચ્ચે એપ્રિલથી જૂન ૧૯૮૨ સુધી યુદ્ધ પણ થયું હતું

મુંબઈ,ફીફા વિશ્વ કપ ૨૦૨૬ના સેમિફાઇનલમાં અર્જેન્ટીનાએ શાનદાર વાપસી કરતા ઇંગ્લેન્ડને ૨-૧ થી હરાવ્યું અને ફાઇનલમાં જગ્યા બનાવી લીધી. અટલાન્ટામાં રમાયેલા આ મુકાબલામાં વર્તમાન વિશ્વ ચેમ્પિયન ટીમે અંતિમ ક્ષણોમાં બે ગોલ ફટકારીને મેચ પોતાના નામે કરી લીધી.ખિતાબી મુકાબલામાં અર્જેન્ટીનાનો સામનો સ્પેન સામે થશે. ઇંગ્લેન્ડની ટીમ ત્રીજા સ્થાનના મુકાબલા માટે ળાન્સનો સામનો કરશે. આ દરમિયાન જીત પછી અર્જેન્ટીનાની ઉજવણીને લઈને નવો વિવાદ ઊભો થઈ ગયો છે.

મેચ પૂરી થયા પછી અર્જેન્ટીનાના ખેલાડીઓ ઉજવણી દરમિયાન એક બેનર લીધેલા દેખાયા. આના પર સ્પેનિશ ભાષામાં ‘Las Malvinas son Argentinas’ લખેલું હતું. આનો અર્થ થાય છે- માલ્વિનાસ અર્જેન્ટીનાનું છે.અર્જેન્ટીના અને બ્રિટન વચ્ચે ફોકલેન્ડ આઇલેન્ડ્‌સ માટે લાંબા સમયથી વિવાદ ચાલી રહ્યો છે. ફોકલેન્ડ આઇલેન્ડ્‌સ દક્ષિણ-પશ્ચિમ એટલાન્ટિક મહાસાગરમાં આવેલી બ્રિટિશ ઓવરસીઝ ટેરિટરી છે. આ અર્જેન્ટીનાના પૂર્વી તટથી આશરે ૫૦૦ કિમીના અંતરે છે. અર્જેન્ટીના આ દ્વીપોને માલ્વિનાસ નામથી બોલાવે છે અને તેમના પર પોતાનો દાવો કરે છે, જ્યારે બ્રિટન આ આઇલેન્ડ્‌સ પર વહીવટી નિયંત્રણ જાળવી રાખ્યું છે.ફોકલેન્ડ આઇલેન્ડ્‌સને લઈને અમેરિકા અને બ્રિટન વચ્ચે એપ્રિલથી જૂન ૧૯૮૨ સુધી યુદ્ધ પણ થયું હતું.

આશરે ૭૪ દિવસો સુધી ચાલેલા સંઘર્ષમાં ૬૫૫ અર્જેન્ટીની તો ૨૫૫ બ્રિટિશ સૈનિકોએ પોતાના જીવ ગુમાવ્યા હતા. દ્વીપોના ૩ નાગરિકોના પણ મૃત્યુ થયા હતા. યુદ્ધના અંતમાં બ્રિટને આઇલેન્ડ્‌સ પર પોતાનું કંટ્રોલ જાળવી રાખ્યું, પરંતુ વિવાદ આજે પણ ચાલુ છે.અર્જેન્ટીના ટીમ પર એક્શન થશે?રાજકીય બેનર બતાવવા માટે ફીફા અર્જેન્ટીનાની ટીમ પર એક્શન લઈ શકે છે. સ્ટેડિયમ આચાર સંહિતા હેઠળ વર્લ્ડ કપ દરમિયાન સ્ટેડિયમોની અંદર એવા બેનર, ઝંડા, કપડાં કે અન્ય વસ્તુઓ બતાવવા પર પ્રતિબંધ છે જે રાજકીય, આપત્તિજનક અને ભેદભાવપૂર્ણ હોય. રોઇટર્સના જણાવ્યા અનુસાર ફીફાએ હજુ સુધી આ વાત પર કોઈ પ્રતિક્રિયા આપી નથી કે તે આ ઘટનાની તપાસ કરશે કે શિસ્તભંગના પગલાં પર વિચાર કરશે. ૨૦૧૪ માં એક ળેન્ડલી મેચ પછી અર્જેન્ટીનાના ખેલાડીઓએ આ જ બેનર બતાવ્યું હતું. ત્યારે ફીફા તરફથી ૨૦ હજાર પાઉન્ડનો દંડ ફટકારવામાં આવ્યો હતો.